Përgjimet/ Si u manipulua audio në burgun e Durrësit dhe u publikua nga Carlo Bollino dhe Mero Baze

6 Prill 2025, 09:58, Denoncim CNA

CNA do të vijojë me publikimin e detajeve nga përgjimet e bëra në burgun e Durrësit për kryebashkiakun Erion Veliaj.

Një ditë më parë CNA publikoi faktin se si u manipulua audio nga burgu i Durrësit, ku në një bisedë të Veliajt me Ajola Xoxën, kjo e fundit tregon qartazi se po ndërhyhet në audio duke manipuluar të vërtetën.

Ajo thotë se po punohet me transkriptin dhe po ashtu me audion për t’i pastruar zërin, ndërsa ky i fundit në telefonatën e radhës e pyet sërish nëse është pastruar audioja.

Pra, qartazi tregohet dhe manipulimi që pretendohej të bëhej me audion.

PËRGJIMET/ “U pastrua”, si u manipulua audioja e përballjes Veliaj-Dado
5 Prill, 14:41

Pas këtij skenari të bërë nga burgu i Durrësit, audio me ndërhyrjet e bëra ashtu siç del nga përgjimet nga njerëzit e Veliajt u publikua në mediat që sipas dosjes së përgjimeve i kanë shërbyer Veliajt, si ajo e Mero Bazes dhe Carlo Bollinos.

Në fakt çfarë është publikuar nga ajo audio ka qenë një “fake news”, pasi prokurori nuk ka thënë asnjëherë ndyrësirë.

Pra, Mero Baze dhe Carlo Bollino nuk kanë bërë vetëm rolin e gazetarit dhe zëdhënësit të Erion Veliajt por kanë përgatitur materiale, shkrime publikime, kanë thënë mashtrime, manipulime si rasti i manipulimit të audios, apo fushatës mediatike me sulmin ndaj prokurorëve, inskenimet për 2 milionë eurot etj përgjime të publikuara në CNA të cilat mund t’i lexoni në linqet e mëposhtme.

PËRGJIMET

Veliaj kërkon që Mero Baze, Maks Haxhia dhe të gjithë të tjerët të ngrihen dhe të kenë një reagim masiv në lidhje me deklaratën e tij për fjalën që pretendonte Veliaj se kishte thënë në seancë gjyqësore.

Më tej, në një bisedë të Veliajt me Ajola Xoxën, kjo e fundit tregon qartazi se po ndërhyhet në audio duke manipuluar të vërtetën. Ajo thotë se po punohet me transkriptin dhe po ashtu me audion për t’i pastruar zërin, ndërsa ky i fundit në telefonatën e radhës e pyet sërish nëse është pastruar audioja. Pra, qartazi tregohet dhe manipulimi që pretendohej të bëhej me audio.

“Në orën 15:20, gjatë bisedimit ndërmjet Erion Veliajt dhe Ajola Xoxës, ndër të tjera, Erioni i tregon se po shikonte lajmet në lidhje me postimin për fjalorin e ndyrë të përdorur nga ai (nënkupton prokurorin) dhe përgjigjen e atyre që e mohojnë (nënkupton Gjykatën e Posaçme) dhe e pyetën nëse do të nxjerrin audion që të provohet 100%.

Ajola i përgjigjet që do të pyesë çunat që e kanë nxjerrë audion. Për këtë gjë, Erion Veliaj i kërkon që të mos flasë direkt me ta pasi është në përgjim. Ajola i shprehet se e di këtë gjë. Erioni kërkon të dijë nëse do të publikohet audioja, dhe Ajola i thotë që do të flasë me avokatin se ai duhet të ketë transkriptimin. Erion Veliaj i thotë se do ta marrë sërish për pesë minuta, që të dijë në lidhje me veprimin e publikimit të audios, pasi është i shqetësuar që gjyqtari ka mbrojtur prokurorin, dhe i thotë Ajolës se duket qartazi që ata janë bashkë.

Në orën 15:33, Erion Veliaj telefonon Ajolën, dhe kjo e fundit i tregon se ata e kanë transkriptin dhe po punojnë me të, duke pastruar zërin, me qëllim që të dëgjohet mirë sepse është pak si nën zë, që të jetë e dëgjueshme. Erion Veliaj i kërkon të mos japë detaje në telefon, thjesht t'i thotë që po merret me këtë gjë.

Në orën 16:00, Erion Veliaj interesohet sërish në lidhje me transkriptimin dhe me pastrimin e audios së seancës gjyqësore, dhe Ajola në bisedë me të i konfirmon se kanë një përgjigje.

Erion Veliaj e pyet nëse e kane bërë transkriptimin e materialit, që t’ia çojnë redaktorit që ta shohë dhe i kërkon të takohet me të nga ora 12:00. I kërkon që materialin t'ia bëjë gati dhe t'ia japë redaktorit, i cili sipas bisedës, ka pasur takim me grupin”, thuhet në përgjime e siguruara nga CNA./ CNA