Kryeministri Edi Rama në një postim të bërë në rrjetet soc...
"Merruni me kuç e me maç"/ Për kë ishin udhëzimet e Veliajt, nga burgu i Durrësit?
8 Prill 2025, 14:18, DenoncimCNA
Që prej 3 Prillit, CNA po vijon të publikojë përgjimet e bisedave të Erion Veliajt, të bëra nga burgu i Durrësit.
Në një prej përgjimeve teksa zhvillonte telefonatën me vëllanë, Arbër Veliajn nga qelia, kryebashkiaku e orientonte atë të mbante lart presionin në media, gjë që sipas tij do të ishte vendimtare në 13 mars, ditën kur u zhvillua seanca ndaj kryebashkiakut në GJKKO. Ndër të tjera Veliaj i kërkon Arbrit që “edhe thuaj të merret içik me kuç e me maç kush po ndjek gjërat?”
“Në orën 20:17, Erion Veliaj bisedon me Arbrin dhe e pyet nëse amerikanët (avokatët) e arrijnë datën 11 (data e zhvillimit të seancës së Apelit). Arbrit i tregon se po mundohet të lidhet me ta dhe me shumë gjasa do të jenë në Shqipëri. Erion Veliaj i kërkon gjithashtu që ata të bëjnë një intervistë te Top-i. Ndërkohë, Arbri e njofton edhe në lidhje me konferencën e avokatëve, e cila është lënë të bëhet të nesërmen në orën 14:00, “off camera” “on record”, që gazetarët t’i prodhojnë vetë lajmet. Arbri i tregon se takimi do të quhet “takim informative me avokatët e familjes Veliaj”. Në bisedë, Erion Veliaj i kërkon që “duhet mbajt presingu lal se dita e martë është e pandryshueshme, kshu që katër ditë kemi’. “three days to freedom”. I kërkon Arbrit që “edhe thuaj të merret içik me kuç e me maç kush po ndjek gjëra?”” thuhet në faqen 79 të përgjimeve të sigurua nga CNA.
Pyetja që lind është: Çfarë është merruni “me kuç dhe me maç”, të merret me kë?
Kush është “kuçi dhe maçi”, pasi në zhargon të merresh me “kuç dhe me maç” (me qen e me mace) është të merresh me çdo njeri dhe me çdo gjë.
Të merren me variantin që të sulmohen në media gjyqtarët dhe prokurorët?
Të merren me portalet, të merren me kundërshtarët e tij “të shpikur” brenda partisë, t’u sulmojë familjarët dhe njerëzit?
Pasi ajo që po shohim sot, komanda me “kuç e me maç” ka shkuar në sulme, akuza, shpifje, fyerje, mashtrime, kanosje, kërcënime dhe askund, në asnjë nga raportimet nuk ka “kuç e maç” që të flasin në parim, a të merren me thelbin e përgjimeve, të merrem me themelin e çështjes së arrestimit, me aktet korruptive të provuara, me lënien në burg të Erion Veliajt, me prishjen e fakteve dhe provave, me intimidimin e dëshmitarëve, me ndryshimin në qëndrime etj.
Çfarë është “kuç e me maç”, kush është “me kuç e me maç”, që Erioni urdhëron dhe që më pas e zbatojnë Merot me shokë?/CNA
Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.
