Nga Musolini te Mozarti/ Zakonet e çuditshme që kishin personazhet e famshme të historisë

6 Korrik 2022, 09:21, Blog CNA

Nga Musolini te Mozarti/ Zakonet e çuditshme që kishin personazhet e

Secili prej tyre njihet për kontributin e tij në histori, qoftë për mirë apo për keq. Ata nuk mund të ishin më të ndryshëm nga njëri-tjetri, pasi kjo listë përfshin eksplorues, diktatorë, kompozitorë etj. Të gjithë këta njerëz kanë të përbashkëta disa zakone shumë të çuditshme dhe të pazakonta për kohën kur jetuan, por edhe për sot.

Benito Musolini

Nga Musolini te Mozarti/ Zakonet e çuditshme që kishin personazhet e

Musolini është më i njohur për rolin e tij si diktator i Italisë gjatë Luftës së Dytë Botërore.

Ai themeloi Partinë Fashiste dhe ishte kryeministër i vendit deri në vdekjen e tij në vitin 1945. Gjatë luftës, u bë pjesë e një aleance me Gjermaninë dhe fuqitë e tjera të Boshtit.

Por ajo që nuk dihej shumë për të, është se jeta e tij seksuale ishte shumë aktive deri ditën e vdekjen e tij. Thuhet se ai kishte deri në 14 të dashura në të njëjtën kohë. Por zakoni i tij më unik, ishte se i pëlqente të shkruante letra erotike. Kjo u zbulua në ditarin e Klara Petaçit, një prej të dashurave të Musolinit, i bërë publik vetëm në vitin 2009. Duket se Musolinit i pëlqente t’i shkruante këto lloj letrash si një mënyrë për t’u qetësuar.

Honor de Balzak

Nga Musolini te Mozarti/ Zakonet e çuditshme që kishin personazhet e

Balzaku ishte një figurë e rëndësishme e letërsisë franceze në fillimin e viteve 1800. Ashtu si me shumë shkrimtarë, edhe ai kishte një mënyrë unike për të menaxhuar orarin e tij rraskapitës të shkrimit të veprave. Në vend se të qëndronte i hidratuar duke konsumuar pije të ndryshme gjatë ditës, raportohet se Balzak pinte vetëm kafe.

Thuhet se ai po konsumonte afro 50 filxhanë kafe në ditë. Ai e përdorte kafenë për të qenë më produktiv. Zgjohej zakonisht në orën 2 të mëngjesit për të shkruar për 18 orë rresht. Në një rast ai tha: “Njeriu nuk do të mund të shkuante dot po të mos ekzistonte kafeja, dhe kjo do të thotë se nuk do të mund të jetonte”.

Ludvig van Bethoven

Nga Musolini te Mozarti/ Zakonet e çuditshme që kishin personazhet e

Ishte një pianist dhe kompozitor i famshëm gjerman, që në një moment të karrierës u shurdhua plotësisht, por vazhdoi të kompozonte. Veprat e tij janë ende sot shumë njohura dhe vazhdojnë të luhen në mbarë botën. Simfonia e tij Nr.9, e njohur si “Himn për harenë ”, është himni zyrtar i Bashkimit Europian dhe Këshillit të Europës.

Ai nuk ishte aq i fiksuar pas pirjes së kafesë sa Balzaku, por kishte gjithsesi zakonet e tij të çuditshme. Kështu, Bethoven numëronte 60 kokrra kafeje, të cilat i bluante për të bërë një filxhan kafe të përsosur që të niste ditën e tij të punës. Kokrrat numëroheshin me dorë, dhe ai shpesh i kontrollonte dy herë për t’u siguruar që kishte numrin e duhur.

Rasputin

Nga Musolini te Mozarti/ Zakonet e çuditshme që kishin personazhet e

Grigori Jefimoviç Rasputin ishte një mjek i vetëshpallur mistik dhe shërues, që pati shumë ndikim në oborrin perandorak rus, pikërisht përmes aftësive shëruese. Ai ishte në gjendje t’i lehtësonte dhimbjet Aleskei Nikolajaviç, trashëgimtarit të fronit që vuante nga hemofilia.

Rasputin ishte një personazh i çuditshëm në shumë aspekte.

Por një nga aspektet më të veçanta ishte drejtimi i një kulti fetar. Rasputin iu bashkua një shoqërie të fshehtë të Kishës Ortodokse ruse, ku ai udhëhoqi një grup ndjekësish me doktrinën e tij fetare. Ai i detyronte anëtarët e kultit të merrnin pjesë në orgji, derisa lodheshin aq shumë sa arrinin në një gjendje “pasioni jo të shenjtë”, duke e adhuruar Perëndinë pa i penguar dëshirat seksuale.

Çarls Darvini

Nga Musolini te Mozarti/ Zakonet e çuditshme që kishin personazhet e

Darvin është më i njohur për Teorinë e tij të Evolucionit, dhe për udhëtimet e tij nëpër botë që e çuan atë në zbulimet që arriti. Por ai ishte i fiksuar pas shijimit të llojeve të rinj të mishrave. Kur ishte student në Universitetin e Kembrixhit, ai ishte pjesë e një klubi që provonte lloje të ndryshme të mishit që nuk haheshin zakonisht nga njerëzit.

Darvini e vazhdoi këtë zakon edhe gjatë udhëtimeve të tij të gjata, duke ngrënë shumë nga kafshët e reja që haste. Në një rast ai hëngri aksidentalisht një zog jashtëzakonisht të rrallë, Rea. Ky zog ishte i panjohur në Europë, dhe ai donte ta çonte në shtëpi.

Por një nga burrat e ekuipazhit e vrau duke qenë në dijeni se çfarë kishte në duar, dhe e gatoi për darkë. Kur Darvini kuptoi se çfarë po hante, i mblodhi të gjitha kockat dhe ia dërgoi një taksidermisti në Angli, që ishte në gjendje të rikrijonte imazhin e zogut të rrallë.

Mbreti Eduard VII

Nga Musolini te Mozarti/ Zakonet e çuditshme që kishin personazhet e

Mbreti Eduard VII u ngjit në fronin e Anglisë pas vdekjes së nënës së tij, Mbretëreshës Viktoria. Ai ishte i njohur për lidhjet e tij seksuale në mbarë Francën dhe është quajtur një “playboy” historik. Pati të paktën 55 lidhje të fshehta gjatë martesës së tij. Por ajo që është më pak e njohur për Eduardin, është se në kohën e lirë ai krijonte mobilje seksi.

Karrigia e seksit e monarkut, e quajtur nganjëherë një slitë seksi, mbahej në bordellon e tij të preferuar në Paris. Ajo ishte bërë me porosi për të ndihmuar gjatë kryerjes së marrëdhënieve seksuale, gjë që për të mund të ishte e vështirë pasi vitet e fundit të jetës ishte shumë obez.

Mozart

Nga Musolini te Mozarti/ Zakonet e çuditshme që kishin personazhet e

Mozarti ishte që fëmijë një muzikant dhe kompozitor gjenial. Ai konsiderohet ende si një nga kompozitorët më të mirë në botë. Pavarësisht muzikës së tij të sofistikuar, shija e tij për humorin ishte gjithçka tjetër veçse jo e sofistikuar. Sipas historianëve që kanë studiuar jetën dhe karrierën e kompozitorit, ka shumë prova që tregojnë se Mozartit i pëlqenin shumë shakatë banale me prapanicë, jashtëqitje dhe pordhë.

Por këto nuk ishin vetëm shaka private midis miqsh. Mozart shkroi disa kompozime për këto tema të pazakonta, të cilat ishin krijuar për t'u kënduar nga një kor. Këto këngë interpretohen edhe sot e kësaj dite nga shumë kore dhe orkestra të njohura, pavarësisht emrave dhe përmbajtjes së tyre./Thevintagenews.com-Përshtatur në shqip nga CNA.al