web counter
LEXO PA REKLAMA!

SHKARKO APP

App Store
Google Play

E fundit!

x

Kur do të fillojë epoka e re akullnajore?

3 Korrik 2022, 10:27, Blog CNA

Kur do të fillojë epoka e re akullnajore?

Njerëzit kanë përjetuar tashmë një epokë akullnajore, që kur homo sapiens u shfaq në Afrikë rreth 300.000 vjet më parë. Po flasim për epokën akullnajore të njohur edhe si “periudha e fundit akullnajore”.

Kjo e fundit nisi afro 115.000 vjet më parë, dhe përfundoi afërsisht 11.000 vjet më parë kur filloi edhe periudha ndërakullnajore, më e nxehta që po përjetojmë tani, thotë Denisa Su, profesoreshë e asociuar në Universitetin Shtetëror të Arizonës, SHBA.

Gjatë epokës së fundit akullnajore, Toka ishte shumë më e ftohtë

Kur do të fillojë epoka e re akullnajore?

Gjatë epokës së fundit akullnajore, Toka ishte shumë më e ftohtë. Për shembull, shtresa gjigante akulli mbulonin një pjesë të madhe të Amerikës së Veriut. Nga akulli ishte mbuluar edhe pjesa më e madhe e Euroazisë. Temperatura mesatare globale ishte rreth 8 gradë Celcius ose rreth 6 gradë më e ulët se temperatura e sotme globale.

Homo sapiens kishte kohë që kishte nisur të ekzistonte. Shumë nga paraardhësit tanë jetonin në Afrikë kur nisi epoka e akullnajave. Disa nga grupet e homo sapiens qëndruan në Afrikë dhe nuk u përballën me shumë vështirësi për shkak të të ftohtit. Por të tjerët u zhvendosën në zona të tjera, duke përfshirë disa zona shumë të ftohta apo edhe tërësisht akullnajore në Europë.

Gjithsesi, ata arritën të mbijetojnë. Dhe përveç homo sapiens, ishin edhe Neandertalët, të cilët ishin vendosur tashmë në Europë, dhe Denisovanët, të cilët mbetën në Azi. Megjithatë, dy grupet e fundit, u zhdukën para fundit të asaj epoke akullnajore.

Kur do të përfundojë kjo periudhë ndërakullnajore?

Kur do të fillojë epoka e re akullnajore?

Mbërritja dhe fundi i epokave akullnajore, të ndërthurura me periudha më të shkurtra ndërakullnajore, janë ngjarje që ndikohen nga disa faktorë, para së gjithash nga sasitë e gazeve të caktuara në atmosferën tonë dhe nga ndryshimet në orbitën e Tokës rreth Diellit.

Por kur do të përfundojë periudha aktuale e ngrohtë ndërakullnajore dhe kur do të nisë epoka tjetër akullnajore? Përgjigjja për këtë nuk është aq e lehtë sa mund të mendojnë disa. Edhe pse kemi shumë të dhëna në lidhje me kohëzgjatjet e epokave akullnajore të mëparshme, dhe periudhave të mëparshme ndërakullnajore.

Mbërritja e epokës së ardhshme akullnajore

Kur do të fillojë epoka e re akullnajore?

Në realitet, shfaqja e epokës së ardhshme akullnajore do të varet nga shumë faktorë, duke përfshirë Ciklet e Milankoviç. Kësisoj, ajo varet edhe nga orbita e Tokës. Ndërkohë, ekziston edhe faktori i ngrohjes së vazhdueshme globale të shkaktuar nga njerëzit, një faktor që mund të vonojë ardhjen e epokës së ardhshme akullnajore, siç besojnë edhe disa shkencëtarë.

Në fakt, disa prej tyre dyshojnë nëse mund të shfaqet së shpejt epoka e ardhshme akullnajore, bazuar në emetimet e dioksidit të karbonit (CO2) në atmosferë, për të cilat ne kemi qenë përgjegjës deri më tani ne njerëzit. Në çdo rast, mund të parashikohet që 10.000-12.000 vjet nga tani, duhet të nisë epoka e re akullnajore.

Kjo e fundit mund të arrijë kulmin e saj pas rreth 80.000 vjetësh. Por debati midis shkencëtarëve dhe klimatologëve, është ende i fortë. Sipas ekspertëve të ndryshëm, epoka tjetër e akullnajore mund të nisë në çdo mijëvjeçar duke filluar që nga tani./Notiziescientifiche.it -Përshtatur në Shqip nga CNA.al





Lajmet e fundit nga