web counter
LEXO PA REKLAMA!

SHKARKO APP

App Store
Google Play

E fundit!

x

Letra e një babai të zgjuar drejtuar djalit të tij të vogël

27 Shkurt 2023, 08:35, Blog CNA

Letra e një babai të zgjuar drejtuar djalit të tij të

I dashur bir im, po të shkruaj këtë letër për 3 arsye:

1. Jeta, fati dhe fatkeqësitë janë të paparashikueshme; askush nuk e di se sa do të jetojë në këtë botë. Ndaj është mirë që disa fjalë të thuhen herët.

2. Jam babai yt dhe nëse nuk t’i them unë këto gjëra, atëherë nuk do t’i dëgjosh nga askush tjetër.

3. Këto këshilla burojnë nga përvoja ime personale e hidhur, që ndoshta mund të të shpëtojë nga shumë dhimbje të panevojshme.

Ndaj të lutem mbaji mend këto këshilla gjatë gjithë jetës tënde:

1. Mos mbaj mëri ndaj atyre që nuk sillen mirë me ty. Askush nuk ka përgjegjësinë të të trajtojë mirë, përveçse nënës dhe babait tënd. Për ata që sillen mirë me ty, duhet ta vlerësosh dhe të jesh mirënjohës. Por ashtu duhet të jesh i kujdesshëm, sepse të gjithë e kanë një motiv nga pas çdo lëvizjeje që bëjnë. Kur dikush sillet mirë me ty, kjo nuk do të thotë automatikisht se ju pëlqen vërtet. Duhet të tregohesh i kujdesshëm, dhe të mos nxitosh që ta cilësosh si një mik të vërtetë.

2. Askush nuk është i domosdoshëm, dhe nuk ka asgjë në botë që t’i duhet ta zotërosh patjetër. Pasi ta kuptosh këtë, do të jetë më e lehtë ta përballosh momentin kur njerëzit përreth nuk do të duan më, apo kur të humbasësh atë që do më shumë.

3. Jeta është e shkurtër. Kur e shpenzon kot jetën tënde sot, nesër do të zbulosh se ajo po të lë. Sa më herët ta vlerësosh jetën tënde, aq më mirë do ta shijosh atë.

4. Dashuria nuk është veçse një ndjenjë kalimtare, dhe ajo do të shuhet me kalimin e kohës dhe ndryshimin e humorit të dikujt. Prandaj edhe nëse të lë e dashura, tregohu i durueshëm, koha do të zhdukë dhimbjen dhe trishtimin. Mos e tepro me bukurinë dhe ëmbëlsinë e dashurisë, dhe as me trishtimin e humbjes së një dashurie.

5. Shumë njerëz të suksesshëm nuk kanë marrë një arsimim të mirë, por kjo nuk do të thotë se mund të jesh i suksesshëm duke mos studiuar fort! Çfarëdolloj njohurie që fiton është arma jote në jetë. Dikush mund të kalojë nga rreckat te të qenit i pasur, por duhet ta fillosh nga fundi për t’u ngjitur në majë!

6. Unë nuk pres të më mbështesësh financiarisht kur të jem i moshuar, dhe as s'do të tëmbështes financiarisht gjatë gjithë jetës tënde. Përgjegjësia ime si mbështetësi yt përfundon me rritjen tënde. Pas kësaj, je ti që do të vendosësh nëse dëshiron të udhëtosh me urban apo me limuzinën tënde, nëse do të jesh i pasur apo i varfër.

7. Mbaje fjalën që jep, por mos prit që edhe të tjerët të jenë të tillë. Ti mund të sillesh mirë me njerëzit, por mos prit që njerëzit të sillen mirë me ty. Në rast se nuk e kupton këtë, do të përballesh me telashe të panevojshme.

8. Mos beso te lotaritë dhe lojërat e fatit. Kjo do të thotë që nëse do të bëhesh i pasur, duhet të punosh shumë! Nuk ka drekë falas!

9. Pavarësisht se edhe për sa kohë do të jem më ty në këtë jetë, le ta vlerësojmë kohën që kalojmë bashkë. Sepse nuk e dimë nëse do të takohemi sërish në jetën tonë të ardhshme.

Babai yt i dashur...

Kjo letër i është dërguar djalit të tij nga një prezantues i njohur televiziv në Hong Kong, me profesion psikolog për fëmijët. Por këto këshilla vlejnë për të gjithë ne, të rinj apo të moshuar, fëmijë apo prindër. Të gjithë prindërit mund ta përdorin këtë letër për mësimet që u japin fëmijëve të tyre.

Përkthyer nga CNA.al





Lajmet e fundit nga