web counter
LEXO PA REKLAMA!

SHKARKO APP

App Store
Google Play

E fundit!

x

Dimitri Ickov, plani i miliarderit rus për t’i bërë njerëzit të pavdekshëm deri në vitin 2045

19 Shkurt 2023, 14:58, Blog CNA

Dimitri Ickov, plani i miliarderit rus për t’i bërë

Që në fillim të këtij shekulli, shkencëtarët janë përpjekur të zhvillojnë një lloj teknologjie që do ta ofrojë njerëzimin me pavdekësinë. Sado i largët që t’i duket dikujt ky synim, teorikisht pavdekësia nuk është e pamundur ose të paktën jo për Dimitri Ickov.

Ickov është një filantrop dhe miliarder rus. Ai ka themeluar projektin “Iniciativa 2045”, e cila synon të sigurojë një rrugë teknike drejt pavdekësisë, dhe ta ndihmojë njerëzimin të kapërcejë kufizimet e tij fizike dhe mendore.

Përpjekja synon krijimin e sistemeve të avancuara robotike, ndërfaqeve tru-kompjuter dhe trupave artificialë me synim transferimin e ndërgjegjes njerëzore në një formë të re artificiale. Po ashtu Dimitri Ickov është gjithashtu një mbështetës i transhumanizmit, ideja e përdorimit të teknologjisë për të përmirësuar gjendjen njerëzore dhe për ta zgjatur jetën e njeriut.

Por kush është Dimitri Ickov? Ai nuk është manjati apo miliarderi i zakonshëm që mund të keni njohur përmes medias. Sepse ai nuk ka tendencë të shfaqet shumë në media. Ndoshta një nga arsyet është se ai i zotëron pak a shumë ato. Ickov është një sipërmarrës dhe biznesmen i suksesshëm i mediave ruse.

Ai e nisi karrierën e tij si botues, përpara se të përfshihej në zhvillimin e sipërmarrjeve të ndryshme të mëdha mediatike në Rusi, përfshirë prezantimin e faqes së internetit të lajmeve "New Times" dhe themelimin e kanalit televiziv rus "DOORS".

Dimitri Ickov, plani i miliarderit rus për t’i bërë

Këto përpjekje e ndihmuan atë të shndërrohej në një manjat mediatik të suksesshëm dhe të grumbullonte një pasuri të konsiderueshme personale. Po ashtu, ai është i njohur për investimet e tij në disa firma teknologjike dhe sipërmarrje të tjera. Ai e kuptoi shpejt se kur ke para, fuqi dhe famë, të mungon vetëm një gjë, dhe ajo është koha.

Ickov bazohet te një qasje më realiste kur bëhet fjalë për pavdekësinë, dhe ajo është se trupi i njeriut është dhe nuk do të jetë kurrë në gjendje që ta mbështesë atë. E vetmja gjë që kanë njerëzit dhe që nuk ka një datë skadence është vetëdija jonë. Disa media e kanë kritikuar Ickov se synon të garantojë vetëm pavdekësinë e tij.

Projekti që ka krijuar ai, synon jo vetëm të arrijë pavdekësinë njerëzore, por gjithashtu ta çojë njerëzimin në një iluminim shumë më të lartë, ku vetë jeta vlerësohet shumë më tepër sesa sot. Një përkufizim përshkrues i të gjithë projektit si dhe perspektiva të ndryshme ofrohen në faqen e internetit kushtuar këtij projekti të quajtur “2045.com”.

“Synimet kryesore të Iniciativës 2045 janë krijimi dhe realizimi i një strategjie të re për zhvillimin e njerëzimit, e cila u përgjigjet sfidave të qytetërimit global; krijimi i kushteve optimale që nxisin ndriçimin shpirtëror të njerëzimit; dhe realizimin e një realiteti të ri futuristik të bazuar në 5 parime: spiritualitet i lartë, kulturë e lartë, etikë e lartë, shkencë e lartë dhe teknologji të lartë.”

Ideja kryesore është krijimi i sajborgëve, ku mund të shkarkohet vetëdija nga truri i njeriut duke përfshirë kujtesën dhe personalitetin. Nga ai moment e tutje, njerëzit mund të jetojnë përjetësisht me ndihmën e teknologjisë, për sa kohë që ata e ruajnë kiborgun e tyre, ngjashëm me mënyrën se si ne i mirëmbajmë makinat.

Ickov e kupton se që të ndodhë menjëherë, një plan i tillë kërkon jo vetëm një ndryshim të madh për shoqërinë, që në fillim vështirë se do të pranohet, por është njëherazi dhe shumë sfidues. Është kjo arsyeja pse plani është vendosur të realizohet në 3 dekadat e ardhshme, ku do të përmbushen disa hapa për ata që duan të marrin pjesë në projekt.

Po ashtu parashikohet shfaqja dhe përdorimi i gjerë i ‘avatarëve’ androidë të përballueshëm në aspektin financiar dhe të kontrolluar nga një ndërfaqe tru-kompjuter. Së bashku me teknologjitë përkatëse, avatarët do t'u japin njerëzve një sërë veçorish të reja: aftësi për të punuar në mjedise të rrezikshme, për të kryer operacione shpëtimi, udhëtime në situata ekstreme etj.

Komponentët e avatarit do të përdoren në mjekësi për rehabilitimin e pacientëve me aftësi të kufizuara të plota ose të pjesshme, që do t’u japin gjymtyrët protezë ose do të rikuperojnë shqisat e humbura. Pavarësisht nga pesimizmi që shprehin shumë njerëz kur shohin projekte të tilla të avancuara, ne duhet të hapim sytë dhe të kuptojmë se teknologjia ka evoluar jashtëzakonisht 20 vitet e fundit dhe se treni i evolucionit vetëm sa po përshpejtohet./ Përkthyer dhe përshtatur nga CNA.al





Lajmet e fundit nga