E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Pesë njësitë ushtarake më të pazakonta në histori

6 Shkurt 2023, 08:36, Blog CNA

Në fushën e betejës, çdo lloj avantazhi mund të përcaktojë se kush fiton dhe kush humbet.

Me kalimin e kohës, vendet dhe ushtritë e tyre janë përpjekur që të mposhtin kundërshtarët përmes krijimit të njësive ushtarake të pazakonta. Ja cila janë 5 nga njësitë ushtarake më të pazakonta në histori.

Gjigandët e Potsdamit

Pasja e një regjimenti këmbësorie shumë imponues, mund të jetë një avantazh i rëndësishëm në fushën e betejës. Në shekullin XVII, perandori Friedrih Vilhelm I i Prusisë (Gjermania e sotme) ishte i vendosur që t’u kallte datën armiqve të tij. Për këtë arsye, ai nisi të rekrutonte ushtarët më shtatlartë që mund të gjente.

Kur ai u bë komandanti i regjimentit në vitin 1688, ai kishte rekrutuar tashmë ushtarët më shtatlartë të Evropës, dhe vazhdoi të rekrutonte ushtarë të tjerë gjigantë nga e gjithë bota. Por pavarësisht pamjes së tyre të frikshme, Gjigantët e Potsdamit morën pjesë në shumë pak beteja. Regjimenti u shpërbë në vitin 1806 pasi prusianët ranë robër të ushtrisë së Napoleonit.

Berserker-ët vikingët

Ushtritë që duhej të përballeshin kundër hordhive vikinge ishin shumë të frikësuara. Sepse këta të fundit kishin një regjiment që merrej me luftëtarët e tyre më të pambrojtur. Këta luftëtarë quheshin Berserker. Në dallim nga vikingët e tjerë, Berserkerët hynin në beteja pa veshur armaturë në trup.

Ata mbanin lëkurën e ujkut ose luftonin me gjoksin e zhveshur. Ata futeshin në betejë me një furi të tillë, sa që askush nuk mund t’i ndalonte. Ata përdhunonin dhe plaçkitnin derisa të ishin shumë të rraskapitur për të vazhduar më tej. Historianët mendojnë se gjendja e tyre mund të ishte nxitur nga kërpudhat e pulës ose Muscimolit.

Ata ishin shumë të kërkuar, pikërisht për shkak të aftësive të tyre. Por për fatin e keq të atyre që i punësonin, ata nuk ishin aspak të besueshëm. Po ashtu, ishin shumë të papëlqyer nga vikingët e tjerë. Sepse kur ngopeshin me luftën, ata përdhunonin ose vrisnin edhe aleatët e tyre, sepse epshi i tyre për gjak ishte tepër i fortë.

Ushtria fantazmë

Në vitet 1940 filmat bënin shumë bujë, pasi studiot që i realizonin ato punonin shumëpër të krijuar efektet speciale më të besueshme. Gjatë Luftës së Dytë Botërore, Ushtria Amerikane mendoi që këto efekte mund të ndihmonin për të fituar në fushën e betejës.

Në verën e vitit 1944, ajo mblodhi një ekip artistësh dhe ekspertësh të efekteve speciale, të cilit i quajti “Ushtria fantazmë”. Ata kishin për detyrë të përdornin tanke të rreme prej gome, automjete dhe efekte zanore po të rreme për të mashtruar fuqitë e Boshtit.

Kjo njësi kreu më shumë se 20 operacione gjatë luftës. Me kalimin e kohës, mashtrimi shkoi edhe më tej, duke shfrytëzuar trafikun e rremë të radio-komunikimeve dhe efektet zanore të shpërthimeve gjigante. Ekzistenca e Ushtrisë Fantazmë mbeti sekret për dekadat e ardhshme, dhe gjithçka u pranua publikisht vetëm në vitin 1996.

Gurkhat

Ushtria britanike u ndesh për herë të parë me Gurkhas në vitin 1814 gjatë Luftës Anglo-Nepalese. Ndërsa ushtarët nepalezë ishin të keq-armatosur dhe shumë inferiorë në fushën e betejës përballë armiqve të tyre britanikë, Gurkhas u dhanë atyre gjithçka që kishin mundësi.

Dhe kur u arrit paqja, britanikët i autorizuan Gurkhas të luftonin në Ushtrinë e Kompanisë së Indisë Lindore, dhe më vonë duke i përfshirë në Ushtrinë Britanike. Gjatë 200 viteve të ardhshme, Gurkhas u bënë të famshëm për stilin e tyre të fortë të luftës dhe për thikat e tyre të lakuara.

Që nga Lufta e Parë Botërore, ushtarët nepalezë që luftojnë në radhët e Ushtrisë Britanike kanë marrë më shumë se 2000 medalje për trimëri, përfshirë 26 Kryqe Viktoria. Tradita vazhdon edhe sot, pasi Britania zgjedh çdo vit 200 ushtarë të rinj nepalezë për të shërbyer

me veshjen e tyre Gurkhas. Një nga ata ushtarë, Dipprasad Pun, bëri bujë në mbarë botën në vitin 2019, kur u përball i vetëm me 12-30 luftëtarë talebanë.

Burrat e Monumenteve

Kur në fillim të viteve 1940 shpërtheu lufta në të gjithë Evropën, qeveritë evropiane ishin të shqetësuara për ruajtjen e artefakteve historike dhe veprave dhe objekteve të çmuara të artit. Në kundërpërgjigje, fuqitë aleate krijuan njësinë “Monument Men” (Burrat e Monumenteve).

Ata ishin një grup akademikësh, historianësh dhe kuratorësh arti, të ngarkuar me misionin special për t’u siguruar mbrojtjen e strukturave me rëndësi historike. Madje pilotëve iu dhanë harta sa sakta që u tregonin zonat që duheshin shmangur gjatë bombardimeve që kryenin. Me përfundimin e luftës, “Burrat e Monumenteve” u shqetësuan më pak për shkatërrimin e artit dhe u morën më shumë me gjetjen e veprave që ishin vjedhur. Gjatë luftës, nazistët kishin vjedhur sasi të panumërta veprash arti historike. Për ta u realizua në vitin 2014, një film me protagonistë disa nga aktorët më të njohur të Hollivudit.

Përkthyer nga CNA.al