E fundit!

12:40 Politikë

"Projektligjet e kapitullit 17 të shtyhen për seancën e 23 korrikut"/ Propozimi i Ballës kundërshtohet nga opozita

Kreu i Grupit Parlamentar të PS, Taulat Balla propozoi që ...

“Top Channel” bëhet dhe më qesharak

9 Prill 2025, 16:40, Aktualitet CNA

Për muaj me radhë mediat kanë publikuar detaje nga dosja e kryebashkiakut Erion Veliaj, i arrestuar për dy akuza të rënda si korrupsion dhe pastrim të produkteve të veprës penale, ku vetëm pak javë më parë i është shtuar dhe një tjetër akuzë “futja e përdorimi i sendeve të ndaluara në burg”, për bashkëshorten e tij Ajola Xoxa, biznesmenë dhe familjarë të çiftit.

Gjykata zbërtheu një skemë korrupsioni, se si Veliaj me firmën e tij i ka dhënë fonde OJF të bashkëshortes së tij, po ashtu dhe institucione të tjera të rëndësishme në vend apo biznesmenë të njohur, të cilët në këmbim të lejeve të ndërtimit jepnin para kompanive të Ajola Xoxës.

CNA ka publikuar me dhjetëra detaje nga kjo dosje voluminoze prej rreth 400 faqesh duke zbuluar gjithë skemën korruptive të çiftit Veliaj-Xoxa.

Por çfarë ndodh?

Televizioni në ortakëri me inceneratorët që nuk ekzitojnë, ortakët e Mirel Mërtirit dhe grupit të strukturuar kriminal të inceneratorëve, sot kanë filluar të bëhen më qesharakë se kurrë.

Sot televizion në ortakëri me inceneratorët po nxjerr vendimin e Gjykatës dhe po zbardhin materiale që mediat e tjera i kanë zbardhur dy muaj më parë.

Po na tregojnë si vila në Qeret ishte e Erion Veliajt, intimidimet e Klotilda Bushkës etj.

Mesa duket, pasi i shërbeu Grida Duma dhe Top Channel për propagandë të cilët dalin në përgjimet e SPAK-ut, po ashtu dhe Visi, Lori etj, tani duan të tregojnë se nuk kanë pasur lidhje dhe bëhen dhe më qesharakë.

Tri televizionet në shërbim të Veliajt për sulmin ndaj prokurorëve dhe gjyqtarëve
4 Prill, 11:33

Top Channel dhe Lori Hoxha “nuk kanë pasur lidhje” me Erion Veliaj “ashtu si nuk ka pasur lidhje” Vjollca Hoxha me Mirel Mërtirin apo dhe vetë Lori në fakt.

Kjo është e vërteta e gjithçkaje. Tani po zbardhin dosjen. Televizioni kombëtar në ortakëri me inceneratorët që po zbardh dosjen me vonëse pasi e kanë zbardhur të gjitha mediat, pasi ka dalë vendimi i gjyqtarit Erjon Bani, pasi kanë dalë përgjimet, pasi ka dalë dhe vendimi i gjyqtarit Engert Pëllumbi.

Tani iu kujtua “Topi”-t të na tregojë se çfarë ka bërë Klotilda Bushka dhe e kujt është vila në Qeret etj./ CNA