E fundit!

12:40 Politikë

"Projektligjet e kapitullit 17 të shtyhen për seancën e 23 korrikut"/ Propozimi i Ballës kundërshtohet nga opozita

Kreu i Grupit Parlamentar të PS, Taulat Balla propozoi që ...

Lufta me natyrën, lumi Buna bëhet arenë e operacionit stërvitor!

9 Prill 2025, 14:54, Aktualitet CNA

Lufta me natyrën, lumi Buna bëhet arenë e operacionit

Operacioni stërvitor ndërkombëtar “Flood North Albania”, shënoi sot pikën kulmore me demonstrimin e ndërhyrjeve në ndihmë të banorëve të izoluar, një situatë përmbytjeje. Operacioni u zhvillua në lumin Buna, në Shkodër, dhe përfshinte disa komponentë: U demonstrua një operacion shpëtimi për disa banorë të izoluar nga uji, shpëtimi i personave të plagosur, ndërhyrja për shpëtimin e bagëtive, ndërhyrja për të izoluar pasojat nga përmbytja e një magazine plehrash kimike dhe pesticidesh, etj. Pjesë e stërvitjes ishin edhe helikopterë të ushtrisë shqiptare, të cilët ekzekutuan një operacion delikat shpëtimi të personave që janë duke u mbytur.

Stërvitja ishte e shkallës së gjërë dhe përfshiu edhe shërbimin e urgjencës shëndetësore, forcat e policisë, ushtrisë dhe Kryqin e Kuq. Shqipëria ishte vendi pritës i kësaj stërvitjeje, ku marrin pjesë 13 partnerëve që vijnë nga rajoni i Ballkanit, por jo vetëm. Kjo stërvitje ka si objektiv të testojë përgatitjen e forcave të mbrojtjes civile në rast përmbytjesh, gatishmërinë e institucioneve vendase si dhe koordinimin mes vendit pritës dhe ndihmës që vjen nga vendet e tjera.

Lufta me natyrën, lumi Buna bëhet arenë e operacionit

Stërvitja është një sfidë edhe nga ana organizative për Agjencise Kombetare te Mbrojtjes Civile të Shqipërisë. Drejtori i saj Z.Haki Çako, tha se ky është një hap shumë i rëndësishëm për të perfeksionuar bashkëpunimin mes vendeve të rajonit, për të përballuar sëbashku fatkeqësitë natyrore.

Lufta me natyrën, lumi Buna bëhet arenë e operacionit

Ky projekt është financuar nga DG ECHO, Bashkimi Europian dhe ka filluar që në Janar të vitit 2024 dhe përfundon në Dhjetor 2025 dhe lider i tij është Agjencia Kombetare e Mbrotjes Civile të Shqipërisë. dhe në këtë partneritet janë përfshirë, përvec Shqipërisë edhe Mali i Zi, Kosova, Greqia, Italia, Qipro, Maqedonia e Veriut dhe Bullgaria./ CNA