E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Irfani i Metës do kandidat prefektin e Blushit

17 Shkurt 2023, 15:01, Aktualitet CNA

Irfan Hysenbelliu, pronari i disa mediave, tashmë ka gjetur një zgjidhje për Korçën.

Ai kërkon të jetë prezent atje, pas skandaleve që bëri në këtë qytet, për të dështuar festën e birrës, duke e bojkotuar këtë të fundit, pas kronikave televizive, apo sulmeve dhe akuzave, të cilat vinin për shkak se tatimet dhe institucionet shtetërore i kërkonin Hysenbelliut (ish-kapter i kohës së diktaturës, sot biznesmen), që të paguante taksat sipas rregullave dhe ligjeve.

Irfani nuk pranoi të shkonte në festën e birrës, sulmoi institucionet, festën pas mbarimit të saj, e kështu me radhë.

Irfani i Metës do kandidat prefektin e Blushit

Irfan Hysenbelliu

Por, mesa duket për ta rregulluar me Korçën dhe për të pasur kontroll të plotë në këtë qytet, Irfani tashmë ka zgjedhur edhe kandidatin e tij.

Ai është prefekti i këtij qyteti, i cili quhet Nertil Jole, dhe ka ardhur në krye të prefekturës nga aleanca e rilindjes me “Librën” e Ben Blushit, pasi Jole njihet si një nga aktivistët e shquar të Partisë Libra.

Nertil Jole, Prefekti i Qarkut, Korçë

Irfani është shumë i kujdesshëm ndaj sulmeve që bën ndaj ministrave dhe kryeministrit, është i ashpër ndaj tyre kur ka problematika, ka dhe disa të tjerë që nuk i përmend fare.

“Berluskoni shqiptar”, siç e quan veten, tashmë ka gjetur një strategji për Korçën.

Ai ka zgjedhur kandidatin e Ben Blushit për ta vënë kryetar bashkie.

Mjafton të shohësh mediat e Irfanit, të cilat pëllasin 24 orë për Ilir Metën, tashmë kanë filluar të shkruajnë, të raportojnë e të bëjnë kronika për prefektin e Korçës.

A thua se Irfanit po i digjet barku se ç’bën një prefekt në Korçë në disa aktivitete që vlerën për qytetarët apo opinionin publik, e kanë zero.

Për më tepër në disa media qendrore të drejtuara nga “Berluskoni shqiptar”, Hysenbelliu, i cili na kishte premtuar se brenda janarit do ta rrëzonte Edi Ramën, por fatkeqësisht Rama vazhdon akoma të jetë në pushtet, dhe Irfani tashmë e ka ulur stekën fare.

Nga kërkesa për të hequr Ramën dhe për të bërë kryeministër Ilir Metën, ka kaluar në variantin të heqë Sotiraq Filon dhe të vendosë kryetar bashkie Nertil Jolen.

Por mesa duket, Irfani tashmë strategjinë nga ajo qendrore, e ka kaluar në atë lokale.

Kërkon të kapë ç’të kapë në qytetet e vogla, por shenjën e parë e ka dhënë me Korçën me kandidatin e Blushit, i cili është prefekt dhe Irfani e do kryetar bashkie.

Tani të presim të shohim dhe këto bashkitë e tjera, se cili do të jetë qëndrimi i Irfanit të Ilir Metës dhe mediave të tij “opozitare”, të paguara nga inceneratorët, që tani mbështesin edhe kandidatë të PS-së, për t’i pasur potenciale për zgjedhjet lokale në bashki të ndryshme./CNA.al