web counter
LEXO PA REKLAMA!

SHKARKO APP

App Store
Google Play

Goditja e SPAK ndaj trafikut të drogës dhe pastrimit të parave/ Caktohen masat e sigurisë për 5 të arrestuar

14 Qershor 2026, 14:27, Aktualitet CNA

 Goditja e SPAK ndaj trafikut të drogës dhe pastrimit të parave/
Gjykata e Posaçme ka lënë në burg 3 nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave në ndërtim.

Konkretisht është lënë në fuqi masa “arrest në burg” për shtetasit O.B., D.A., dhe O.S. Për shtetasin E.J. është caktuar "arrest në shtëpi. Ndërkohë shtetasi G.I., është liruar për arsye shëndetësore dhe kundrejt garancisë pasurore prej 100 mijë eurosh. 

Në kuadër të hetimeve të SPAK, caktuan masa sigurie për 20 persona, ndërsa u vendos sekuestro mbi një numër të madh pasurish, ku përfshihenin prona, biznese, llogari bankare, makina, apartamente, etj. 

Autoritetet ligjzbatuese dokumentuan veprimtarinë e një rrjeti kriminal që dyshohet se ka operuar në disa shtete të Europës dhe Amerikës Latine.

Sipas hetimeve, personat nën hetim A.H. dhe L.K dyshohet se kanë pasur rol drejtues në organizimin e trafikut ndërkombëtar të kokainës nga vende të Amerikës Latine drejt Europës, përmes porteve kryesore të Belgjikës, Spanjës dhe Holandës.

Hetimet evidentuan një strukturë të organizuar që përfshinte furnizimin, transportin, magazinimin, përpunimin kimik dhe shpërndarjen e lëndëve narkotike në vende të ndryshme europiane. /CNA





Lajmet e fundit nga