LEXO PA REKLAMA!

SHKARKO APP

Gjykata e Apelit ka lënë në burg ish-luftëtarin e UÇK-së, Dritan Goxhajn

17 Gusht 2023, 14:46, Aktualitet CNA
Gjykata e Apelit ka lënë në burg ish-luftëtarin e
Dritan Goxhaj

Gjykata e Apelit ka lënë në burg Dritan Goxhajn, ish-luftëtarin e UÇK-së.

“Nuk kam kryer asnjë krim. I kam shërbyer me mendje e zemër vendit tim dhe Kosovës. Çfarë kam bërë që të arrestohem për hatër të Serbisë?”, tha Goxhaj në gjykatë.

Më 31 korrik, autoritetet shqiptare arrestuan në Tiranë ish-ushtarin e UÇK-së, Dritan Goxhaj, për llogari të Gjykatës Speciale të Kosovës, e cila e kishte shpallur në kërkim.

Gjykata Speciale e Kosovës e akuzon Goxhajn se ka bërë publike emrat e dëshmitarëve në disa raste të hapura më herët nga Prokuroria Speciale e Kosovës.

Arrestimi i tij synon ekstradimin në Dhomat e Specializuara.

Forumi Qytetar mbrojti çështjen e Dritan Goxhajt dhe krijoi një peticion "online". Në krah të ish-luftëtarit të UÇK-së ka dalë edhe grupi “Krahu i Shqiponjës”.

Ata zhvilluan protestë të martën më 15 gusht në Prishtinë dhe Shkup në mbështetje të Dritan Goxhajt./ CNA

Lajmet e fundit nga