LEXO PA REKLAMA!

SHKARKO APP

App Store
Google Play

"E kam thjesht mike"/ Redjan Rraja dëshmon në SPAK për makinën luksoze të Kejvina Kthjellës

30 Maj 2023, 13:11, Aktualitet CNA

"E kam thjesht mike"/ Redjan Rraja dëshmon në SPAK për

Redjan Rraja ka mohuar që të ketë lidhje me automjetin "Audi", që SPAK-y i ka sekuestruar Kejvina Kthellës. Para hetuesve Rraja ka deklaruar se me Kthjellën kanë vetëm miqësi dhe nuk i ka blerë asaj makinë luksoze.

"Kam pasur marrëdhënie miqësie me Kthjellën, por asgjë tjetër. Ajo makinë ka qenë më emër mbiemër të saj. Unë nuk kam lidhje fare. Është objekt që është i saj. Nuk e di kur është blerë. Në mënyrë absolute nuk kam kontribuar në blerjen e këtij mjeti", është shprehur Rraja para hetuesve.

Në lidhje me të ardhurat e tij, Rraja tha se kishte tri klinika stomatologjike dhe se siguronte deri në 200 mln lekë të vjetër.

"Asnjëherë nuk kam shpenzuar më shumë se fitimet e mia", tha ai.

Vitin e kaluar Prokuroria e Posaçme kërkon që të konfiskojë pasuritë e sekuestruara në vitin 2021 të Redjan Rrajës, i akuzuar për atentatin ndaj ish-prokurorit Arjan Ndoja.

Ndër të tjera SPAK kërkon që shtetit t’i kalojnë 1 apartament, 2 garazhe, 2 makina, dy pasuri truall me sipërfaqe 30 m2 dhe 127.5 m2, një orë 'Rolex' dhe si dhe 2750 euro.

 

 

Lajmet e fundit nga