LEXO PA REKLAMA!

SHKARKO APP

Situata në Veri të Kosovës/ Begaj, thirrje autoriteteve kosovare

30 Maj 2023, 07:37, Aktualitet CNA

Situata në Veri të Kosovës/ Begaj, thirrje autoriteteve kosovare

Presidenti Bajram Begaj ka dënuar ashpër keqpërdorimin e popullsisë serbe në veriun e Kosovës dhe dhunën e papranueshme ndaj trupave të KFOR-it.

Begaj në reagimin e tij është shprehur se asnjë pretekst nuk mund të përdoret për të penguar zbatimin e plotë të marrëveshjes së Brukselit dhe Ohrit.

Nga ana tjetër u ka bërë thirrje autoriteteve kosovare për më shumë durim e maturi dhe koordinim të ngushtë me partnerët.

Dënoj ashpër keqpërdorimin e popullsisë serbe të Veriut të Kosovës dhe dhunën e papranueshme ndaj trupave paqeruajtëse të KFOR-it në Kosovë.

Asnjë pretekst nuk mund të përdoret për të penguar zbatimin e plotë të marrëveshjes së Brukselit dhe Ohrit, që tregon rrugën e duhur të zgjidhjes së problemeve të hapura dhe të normalizimit të marrëdhënieve midis Kosovës dhe Serbisë.

Askush nuk mund të vërë në pikëpyetje sovranitetin dhe integritetin e Republikës së Kosovës, si dhe të drejtën e saj për të ndërtuar e konsoliduar institucionet demokratike dhe multietnike.

Por gjithashtu, u përsëris publikisht thirrjen time vëllazërore autoriteteve kosovare për më shumë durim e maturi dhe sidomos koordinim të ngushtë me partnerët tanë”, ka thënë Begaj./ CNA.al

Lajmet e fundit nga