web counter
LEXO PA REKLAMA!

SHKARKO APP

App Store
Google Play

Ndryshime në diplomaci/ Zbardhen emrat e ambasadorëve të rinj, mes tyre analistë dhe ish-deputetë

29 Maj 2023, 21:59, Aktualitet CNA

Ndryshime në diplomaci/ Zbardhen emrat e ambasadorëve të rinj,

Një sërë ndryshimesh janë duke u kryer nga qeveria shqiptare në radhët e diplomacisë.

Qeveria ka nisur zëvendësimin e disa ambasadorëve, të cilëve u ka mbaruar mandati ose janë drejt daljes në pension.

Ilir Gjoni është njëri nga diplomatët që pritet të përfshihet në këto lëvizje. Gjoni, i cili aktualisht është ambasador në Zvicër, është propozuar që të emërohet ambasador në NATO pas daljes në pension të ambasadorit Visho Ajazi Lika.

Ndërkohë, në pozicionin e ambasadorit të Zvicrës është propozuar analisti Mustafa Nano. Ky i fundit ka qenë edhe më parë pjesë e trupës diplomatike.

Ndryshime në diplomaci/ Zbardhen emrat e ambasadorëve të rinj,
Analisti Mustafa Nano

Një tjetër lëvizje është ajo e Ridi Kurtezit, ambasadorit në Malin e Zi, që pritet të përfaqësojë Shqipërinë si diplomat në Emiratet e Bashkuara Arabe. Posti i ambasadorit në Emiratet e Bashkuara Arabe është i lirë, pas largimit të Ermal Dredhës, i cili u zgjodh më 14 maj kryebashkiak në Vlorë.

Edhe ambasadorja e Shqipërisë në Holandë, Adia Sakiqi, është propozuar të dërgohet në një shtet të BE-së, sipas "Top Channel".

Në Austri pritet të dërgohet ish-deputeti Fate Velaj, ndërsa në Gjenevë përflitet emri i ish-nënkryetares së Kuvendit, Vasilika Hysit, si e përzgjedhura për të drejtuar Misionin e Përhershëm të Shqipërisë pranë Zyrës së Kombeve të Bashkuara.

Ndryshime në diplomaci/ Zbardhen emrat e ambasadorëve të rinj,
Ish-deputeti Ervin Bushati

Sa i përket SHBA-ve, ku ambasadore është Floreta Faber, pritet të dërgohet ish-deputeti Ervin Bushati.

Pritet që disa nga këto emra të dërgohen këtë javë në Presidencë për miratim./ CNA.al





Lajmet e fundit nga