OLIGARKU i Ri me 10 miliardë lekë / Lulzim Basha do shtojë pasurinë me 4.7 milionë euro nga taksat e shqiptarëve

23 Janar 2022, 12:08, Aktualitet CNA

Kryetari i shkarkuar i PD, Lulzim Basha do përfitojë rreth 4.7 milionë euro, para të cilat vijnë direkt nga taksat e shqiptarëve.

Një burim pranë familjes së Lulzim Bashës i tha CNA.al, se pas fatkeqësisë në familje, largimit nga jeta të vjehrrit të zotit Basha, disa ditë më parë tashmë do përgatiten të gjitha dokumentet ligjore të trashëgimisë të Xhaferr Isufit, babait të Aurelës bashkëshortes të Lulit.

Shuma që Basha dhe bashkëshortja e tij do përfitojnë është të paktën 4.7 milionë euro, pa futur këtu dhe pasuritë e tjera të trashëguara apo vlerat monetare të disponuara.

Sipas Kodit Civil shqiptar nga neni 316 deri në nenin 418 sqarohet me detaje trashëgimia. E në rast se zoti Isufi ka lënë testament, sërish Lulzim Basha përfiton, pasi ai ka hapësirë ?Rezervën Ligjore? për shkak të vajzave të mitura.

Një ekspert tjetër ligjor i tha CNA.al se vlera prej 14 milionë euro e përfituar në gjykatën e Strasburgut, nga i ndjeri Xhaferr Isufi, ende nuk është paguar nga qeveria dhe në momentet që kjo shumë do lëvrohet sipas ligjeve të shtetit shqiptar i kalon bashkëshortes dhe dy femijëve, përkatësisht nga rreth 4.7 milionë euro.

Kjo shumë parash duhet të paguhet nga Thesari i Shtetit nga taksat e shqiptarëve. Shuma pritet të çojë pasurinë e Lulzim Bashës në vlera marramendëse që mund të kapin vlerën 9 milionë dollarë ose 10 miliardë lekë. Basha aktualisht ka pasuri të deklaruar gati 2 miliardë lekë. Me taksat e shqiptarëve të trashëguara nga gjyqet e vjehrrit, Lulzim Basha shumë shpejt do jetë oligarku më i ri i Shqipërisë./ CNA.al

Nga kamarier në miliarder me luks të shfrenuar/ Lulzim Basha fsheh vilat e shtrenjta

Basha, 1.7 milion dollarë pasuri/ Asnjë qindarkë për të dëmtuarit nga tërmeti

Dokumentet ekskluzive/ Lulzim Basha i dha pallat ortakut të vjehrrit

Fotot- Zbulohet pallati i dytë i Bashës/ Leje për ortakun e vjehrrit

Basha dhe vjehrri/ Të gjitha akuzat për favorizim dhe leje pallatesh

Dokumentet ekskluzive/ Zbulohet leja e dytë e Bashës për ortakun e vjehrrit

Abuzimi me pronat/ Vjehrri i Bashës privatizoi shkëmbinjtë dhe një pjesë deti në Vlorë dhe mori dhe 14 mln euro dëmshpërblim

Gazetari nxjerr faktet/ Si ka përfituar Lulzim Basha 13 milionë euro nga Edi Rama