Kryetari i Republikës së re, Lulzim Basha, dje ka njoftuar përmes zyrës së tij të shtypit se kishte anulluar festën e PD-së, që pritej të mbahej sot në 11 dhjetor dhe fondet për këtë festë do t’iu kalonin të dëmtuarve nga tërmeti.

Në fakt e gjitha është një fake news, një mashtrim i radhës, një lëvizje mediatike, nga më të ndyrat e Lulzim Bashës, në gjashtë vite në krye të PD-së.

Pse e theksojmë nga më të ndyrat?

Sepse ndoshta është i vetmi kryetar partie në botë që mashtron edhe ditën e qametit. Lulzim Basha është kapur i gjallë.

CNA.al ka kryer një investigim të thjeshtë në selinë e PD-së.

Burime zyrtare nga ky institucion i thanë CNA.al se nuk kishte asnjë përgatitje për festën e 11 dhjetorit.

Askush nuk ka marrë ftesë. PD-ja nuk ka shpërndarë asnjë ftesë zyrtarisht, asnjë individi të vetëm. Pas tërmetit të 26 nëntorit gjithçka ishte anulluar.

PD-ja zyrtarisht mund të bënte vetëm një ditë të hapur, ashtu siç ka bërë kohët e fundit, dhe asgjë më shumë sesa kaq. Dhe kjo shpesh faturohet në firma e biznese aty rrotull, që vërtiten afër Lulit, që orkestrohen dhe dirigjohen nga Odeta e kunatit, e cila qëndron në sfond.

Pra, nuk do të kishte një festë zyrtare nga PD dhe Lulzim Basha thotë se e ka anulluar këtë festë. Por, cilën festë ka anulluar, kur nuk kishte një të tillë?

Tani po i hymë llogarisë tjetër.

Po i njëjti burim zyrtar theksoi për CNA.al se nuk ka një shumë të saktë të përcaktuar. Pra, PD-ja duke qënë se nuk kishte një aktivitet, nuk dihet as vlera që do të japë për të dëmtuarit nga tërmeti.

Dhe në këtë rast nuk është Lulzim Basha që i jep, por janë xhepat e varfër të demokratëve që paguajnë kuota. Janë kuotat e PD-së që merren nga taksat e qytetarëve shqiptarë, të cilat Luli, edhe pa e përcaktuar shumën, edhe pa e përcaktuar festën e anullon në fund dhe thotë se fondet që do jepte për imazhin, për të cilin kujdeset kunati i tij, do t’i japë për të dëmtuarit nga tërmeti.

Por, cila është fatura që kishte përgatitur Lulzim Basha për t’ia dhënë kunatit, apo kompanive afër kunatit, sepse shpesh nuk shfaqet ajo, por shfaqen kompani të tjera, për këtë event? Në rast se kishte një të tillë, pasi me shumë gjasa ajo nuk ekziston për shkak se festat ishin anulluar.

Luli dje tha një gënjeshtër dhe gënjeu në ditën e kiametit, megjithëse ka shëtitur gjithë këto ditë në zonat e dëmtuara nga tërmeti, duke bërë turistin ende i pa ngopur me gjumë, Luli gënjeu publikisht duke thënë se sot do të kishte një festë, e cila do të anullohet dhe paratë për shpenzimet e saj do t’i kalonin të dëmtuarve nga tërmeti.

PD-ja mund të bëjë gjithçka, mund të bënte një pikërisht sot një event, pa shpenzime, duke ftuar njerëz, biznesmenë, qytetarë, demokratë, dhe të mblidhnin donacione. Të gjithë sipas dëshirës të jepnin diçka në emër të PD-së, për të dëmtuarit nga tërmeti.

Por, Luli nuk e bëri këtë. Ai zgjodhi të gënjente, duke mashtruar publikisht se gjoja do të kishte një festë dhe anullimi i saj do të kursente disa para, të cilat do të jepeshin për të dëmtuarit nga tërmeti./ CNA.al

Sa lekë do japë miliarderi Lulzim Basha për dëmet nga tërmeti?!

Vendimi i Bashës/ PD dhuron fondet e pritjes tradicionale të 11 dhjetorit për të prekurit e tërmetit

Nga kamarier në luks të shfrenuar/ Ku i gjeti paratë Lulzim Basha?