Foto+Video-Rihapja e Xhamisë së Ethem Beut, 31 vite më parë/ Pa politikanë e protokoll, por me zemrat plot të besimtarëve

18 Janar 2022, 11:27, Aktualitet CNA
Foto+Video-Rihapja e Xhamisë së Ethem Beut, 31 vite më parë/

Më 18 janar 1991, pas afro tre dekadash ndalimi të besimit në Shqipëri, në Tiranë u rihap xhamia e Ethem Beut, nga një grup nismëtarësh si Xhavit e Iljaz Alimehmeti, Ramazan Rusheku, Ibrahim Balla, Mehmet Sinella, etj.

Rihapja e kësaj xhamie u bë me një ceremoni modeste, por që njohu një pjesëmarrje të gjerë, të cilën e dëshmojnë edhe këto fotografi dhe video të asaj kohe.

 

Pa politikanë, pa protokoll, por me zemrat plot dashuri të mijëra besimtarëve u rihap xhamia Ethem Beut.

Në fytyrat e pjesëmarrësve lexohej qartë gëzimi për këtë ngjarje të madhe, e cila shënonte rikthimin e besimit në jetën e tyre, pas një diktature të shfrenuar dhe një regjimi të ashpër komunist, i cili u përpoq të çrrënjosë fenë dhe besimin, por që kurrë nuk ia doli mbanë.

Atë të premte janari për qytetarët e Tiranës kishte zbardhur një ditë e madhe, e cila do të ringjallte shpresën për ditë më të mira./CNA.al

Lajmet e fundit nga