Erdogan akuza Ramës/ Strehon organizatën terroriste FETO

17 Janar 2022, 17:16, Aktualitet CNA
Erdogan akuza Ramës/ Strehon organizatën terroriste FETO

Presidenti i Turqisë, Rexhep Taip Erdogan, ka mbajtur fjalimin e tij në Kuvendin e Shqipërisë, ku foli për marrëdhënien e ngushtë midis dy vendeve.

Ndër të tjera, Erdogan ka folur për çështjen e Feto Gylenit. Presidenti turk deklaroi se anëtarët e FETO ndodhen edhe në Shqipëri, dhe se duhet të merren masa sa më shpejt në mënyrë që Shqipëria të mos e pësojë si Turqia.

Erdogan ka paralajmëruar Ramën të marrë masa dhe mos të lërë që marrëdhëniet e dy vendeve të dëmtohen për shkak të kësaj organizate.

?Më lejoni të them këtu se lufta kundër organizatës terroriste FETO që bombardoi dhe masakroi popullin tonë, është një nga ndjeshmëritë tona që i kushtojmë rëndësi të veçantë dhe fatkeqësisht anëtarët e kësaj organizate vazhdojnë të jenë në Shqipëri dhe të shfaqin ekzistencën e tyre. Një mik i vërtetë është ai që nuk heziton të thotë të vërtetën edhe kur është e hidhur. Ashtu si në Turqi edhe këtu institucionet e lidhura me FETO-n kanë operacione të fshehta dhe mos kini dyshim se ata sapo të vijë koha do zbulojnë fytyrat e tyre të vërteta. Sa më shpejt të shpëtoni nga kjo strukturë helmuese aq më e sigurtë do jetë e ardhmja juaj. Nëse nuk veproni sa më shpejt është e pashmangshme që të shfaqen të njëjtat probleme si në Turqi. Ne e konsiderojmë si detyrë të shprehemi kudo që shkojmë të tregojmë në mënyrë që vëllezërit tanë mos të kenë të njëjtin fat. Presim që Shqipëria të marrë masa dhe mos të lërë që marrëdhëniet tona të dëmtohen për shkak të kësaj organizate?, është shprehur Erdogan./CNA.al 

Lajmet e fundit nga