Transplantoi zemrën e derrit te njeriu/ Kirurgu flet për herë të parë pas operacionit

17 Janar 2022, 17:54, Aktualitet CNA

Transplantoi zemrën e derrit te njeriu/ Kirurgu flet për herë

Pacienti të cilit i është transplantuar zemra e derrit është në gjendje të mirë shëndetësore.

Kështu deklaroi vetë drejtuesi i ekipit që kreu transplantin e zemrës së derrit, dr. Bartley Griffith në një intervistë ekskluzive në emisionin ?Sot?, me Jonida Shehun në Euronews Albania.

Griffith tha se pacienti nuk është ende në formën e duhur, por është i lumtur që është ende gjallë.

?Sa herë e takoj, pacienti më falenderon në lot?, tha doktori.

Bartley Griffith tha se përzgjedhja e pacientit ishte rastësore dhe se ai nuk kualifikohej për një transplant standard zemre.

Pacienti zgjodhi që transplanti të kryhej pavarësisht se nuk kishte siguri për jetën e tij.

?Transplantimi i zemrës së derrit ishte shansi i vetëm, pavarësisht rreziqeve, që nuk ishte më pak se të vazhdonte mjekimet e vetme. Ai e mori përsipër rrezikun dhe tha se edhe nëse nuk do të funksiononte, të paktën do të mësonte diçka?, u shpreh Griffith.

Griffith tha se kjo ka qenë ndërhyrja më e veçantë për të, në më shumë se 40 vjet karrierë si kirurg, ku ka kryer më shumë se 4000 operime.

?Kirurgët më kanë telefonuar, më kanë dhënë urimet dhe kanë ndjerë që ky është një hap i rëndësishëm që ne ishim të përgatitur për ta bërë?, tha dr. Griffith.

Kjo është dalja e parë në media e dr. Bartley Griffith pas operacionit në fjalë.

I ftuar në sot ishte edhe kardiologu Edvin Prifti, i cili bëri të ditur për publikun se po bëhen pothuajse 50 vjet që shkenca mjekësore po punon për kryerjen e transplantit të suksesshëm të organeve të kafshëve te njeriu, procedurë që quhet ndryshe ksenotransplant.

?Në vitin 1963, një kirurg bëri implikimin veshkash të shimpanzesë te njeriu. Njëri nga pacientët jetoi deri në 9 muaj?, tha Prifti.

Në Amerikë është transplantuar për herë të parë një zemër derri te një pacient, në një përpjekje të fundit për t?i shpëtuar jetën.

Mjekët në Qendrën Mjekësore të Universitetit të Maryland-it thonë se transplanti tregoi se një zemër nga një kafshë e modifikuar gjenetikisht mund të funksionojë në trupin e njeriut pa refuzim të menjëhershëm./euronews