Nga puna si specialist IT-je tek pasioni për fotot nudo/ Kush është punonjësi i AKSHI-t që u arrestua për skandalin e pagave

7 Janar 2022, 15:10, Aktualitet CNA
Nga puna si specialist IT-je tek pasioni për fotot nudo/ Kush

Sot katër persona kanë rënë në pranga në lidhje me skandalin e publikimit të të dhënave personale të qytetarëve shqiptarë. Dy prej të arrestuarëve janë specialistja e IT-së, Eni Qirjako, dhe specialisti i nivelit të lartë, Andi Agaraj.

Nga hetimet e organit të akuzës, Specialistja e IT Eni Qirjako e punësuar pranë AKSHI-t ka marrë listën e pagave dhe ia ka kaluar kolegut të saj Andi Agaraj i cili më pas e ka shitur atë te përmbaruesit privatë Klodian Sota dhe Endri Ikonomi.

Por kush është Andi Agaraj?

Andi Agaraj, nga Fieri, rezulton specialist IT i nivelit të lartë pranë Agjencisë Kombëtare të Informacionit (AKSHI), njëkohësisht edhe specialist i Drejtorisë së Përgjithshme të Tatimeve.

Agaraj ka përfunduar studimet për inxhinieri telekomunikacioni dhe punonte në administratën shtetërore.

Panorama.al sjell në kujtesë që emri i tij ka ?shkuar edhe në Kuvendin e Shqipërisë?.

Disa kohë më parë, Agaraj ka qenë pjesë e komisionit hetimor parlamentar për ndërhyrjet që janë bërë në serverin e tatimeve, ku ka dëshmuar në Kuvend lidhur me këtë çështje.

Më herët, i riu është bërë i njohur edhe në media pasi ka dhënë intervista ku ka treguar se ka pasion për të fotografuar vajza nudo dhe ka shprehur aspiratën për të hapur një ekspozitë të tij me 25 foto nudo.

Theksojmë këtu që po të kërkosh në internet emrin e tij sot, Andi Agaraj nuk gjendjet, pasi profilet që ka pasur në rrjetet sociale ai i ka mbyllur./A.E- CNA.al

Lajmet e fundit nga