web counter
LEXO PA REKLAMA!

SHKARKO APP

App Store
Google Play

E fundit!

x

Biznes me listën e pagave dhe të targave/ Elisabeta Imeraj zbulon detaje tronditëse

7 Janar 2022, 09:38, Aktualitet CNA

Drejtuesja e prokurorisë së Tiranës, Elisabeta Imeraj ka zbardhur detaje nga hetimet për skandalin e publikimit të të dhënave,

Ajo ka thënë se të dhënat janë shitur subjekteve private nga përfaqësuesit e institucioneve shtetërore.

Imeraj  më tej bëri të ditur se publikimi i të dhënave nuk ka qenë pjesë e ndonjë sulmi hakërimi, por nga vetë personat brenda institucionit, pra është bërë nga punonjës të Administratës Shtetërore.

?Duke marrë shkas dëmtimin e interesave të shtetasve dhe interesin e shtuar të publikut në raport me ngjarjen. Por edhe shqetësimin që ushtroj si Prokurore në një ngjarje të tillë ku të dhënat shpërndahen në whatsapp-e, nga ana e Prokurorisë është operuar me hetimin. Janë kryer veprimet hetimore, janë marrë të dhënat përkatëse.

Është vijuar me sekuestrimin e pc, servare, duke arritur të konkludojmë në një dyshim të arsyeshëm e si rezultat të hetimit paraprak kemi identifikuar 4 autorë.

Dy janë punonjës në institucionet shtetërore.

Ka të dhëna të rëndësishme të bazuar në prova se kanë rrjedhur të dhënat personale. Punonjësi i IT që është punësuar te AKSHI, duke pasur aksesin në të dhënat personale në pagat e disa muajve ka hyrë duke marrë këtë të dhëna e këto të dhëna i ka shpërndarë te kolegu i saj dhe ky i fundit ka shfrytëzuar këto të dhëna dhe ia ka shitur subjekteve private. Punonjës të caktuar kanë shpërdoruar detyrën dhe të dhënat e siguruara i kanë shitur në struktura private.

Janë arrestuar dhe 2 autorë të dyshuar që punojnë në sektorin privat. Prokuroria fillon hetimet, sepse edhe në Drejtorinë e Transportit ka të dhëna që lidhen me targa?, tha Imeraj.

Njëri prej të arrestuarve, është Andi Agaraj, specialist IT te Tatimet që sipas Imeraj, databazën ia ka dërguar kolegia e tij, përkatwsisht punonjësja e AKSHI-it./E.S-CNA.al





Lajmet e fundit nga