E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Berisha flet për gazetarin amerikan/ “Ky ishte qëllimi i SHBA për shpalljen time non grata”

29 Nëntor 2021, 15:15, Politikë CNA

Ish-kryeministri Sali Berisha ka dhënë një intervistë për gazetarin amerikan L. Todd Ëood, ku ka lëshuar akuza të forta ndaj kryeministrit Edi Rama,, filantropit amerikan George Soros, ambasadores së SHBA në Tiranë, Yuri Kim dhe një sërë zyrtarëve të lartë shqiptarë e amerikanë.

Sipas Berishës, Kim duket se është kthyer në amëtare të PS me qëndrimet që mban.

Berisha më tej komenton edhe vendimin e DASH për shpalljen non grata dhe veprimin e kongresmenit Zeldin, i cili nuk ka ndalur tentativat e tij që Blinken të publikojë prova dhe fakte të reja nëse ka ndaj Berishës.

?Kur lexova mesazhin në Tëitter të Sekretarit Blinken, që thoshte se kisha kryer korrupsion në shkallë të lartë dhe kisha minuar demokracinë, u habita jashtë mase. Reagova, sigurisht. I shkrova një letër dhe shpjegova se kjo ishte vepër e George Sorosit, e veglës së korruptuar të Sorosit, Edi Ramës, dhe gjithashtu vendosa t?i drejtohem Gjykatës Ndërkombëtare dhe të padis për shpifje. Jo për vendimin që ai e merr në cilësinë tij për të përcaktuar se kush mund të hyjë e kush jo në vendin e tij, për sa kohë që ai është Sekretari i Shtetit. Por, shpifja nuk mund të përdoret kurrsesi për të ushtruar detyra zyrtare.

I jam mirënjohës kongresmenit Zeldin. Ju siguroj ju dhe kongresmenin Zeldin se ata nuk do të mund të paraqesin asnjë provë të vetme, apo dokument, apo çfarëdolloj gjëje që ta vërtetojë këtë. Rasti im është unik. Më kanë penalizuar 8 vjet pasi kam dhënë dorëheqjen nga çdo detyrë drejtuese, nga çdo pushtet ekzekutiv. Më ndodhi mua, pasi kurrë nuk jam akuzuar apo paditur në Shqipëri apo jashtë vendit për korrupsion. Më ndodhi mua, kur një zyrtar i lartë i SHBA-së që asokohe ishte kryekëshilltar i Bideni-it më lavdëroi kaq shumë për sukseset kundër korrupsionit. Më ndodhi mua, 3 javë pasi kandidatura e partisë që unë mbështeta humbi zgjedhjet. Pra, u bë me qëllim për të shkatërruar opozitën në Shqipëri.

Pastaj vendosa të kthehem. Kam një mbështetje të fortë. Ambasadorja e SHBA-së duket se është kthyer në një anëtare partie e partisë tjetër?, tha Berisha./CNA.al