LEXO PA REKLAMA!

SHKARKO APP

I dënuar për pedofili dhe i emëruar mësues/ Reagon Zyra Arsimore Berat

27 Nëntor 2021, 12:51, Aktualitet CNA
I dënuar për pedofili dhe i emëruar mësues/ Reagon Zyra

Menjëherë pas alarmit të ngritur se në shkollën ?22 Tetori? në Berat është ripunësuar një mësues i dënuar më herët për pedofili, ka reaguar juristja e Zyrës Arsimore në Berat, Marilda Frashëri.

Në një prononcim për Report Tv, Frashëri shprehet se procedurat për punësimin e tij janë konform ligjit, por pas këtij reagimi publik, çështja do të rishikohet.

“Çdo procedurë për punësimin e tij është bërë sipas ligjit. Është shpallur vendi vakant sipas procedurës dhe udhëzimit të Ministrisë së Arsimit për mësues zëvendësues. Nuk ka ardhur asnjë aplikant nga portali “Mësues për Shqipërinë”. 

I jemi drejtuar me shkresë Drejtorisë Rajonale të Arsimit me qendër në Korçë për mungesë të aplikantëve dhe nuk ka ardhur asnjë person. Ndërsa Engjëll Bregu ka sjellë dosjen fizike në Drejtorinë Arsimore dhe që prej 2014 personi ka një dëshmi penaliteti “i padënuar” pra rezulton i pastër. 

Ai ka qenë i punësuar me kontratë në disa shkolla të Beratit dhe ka pasur sjellje korrekte. Tani pas këtij reagimi publik do rishikojmë kontratën edhe pse ai ligjërisht është në rregull. Në Drejtorinë Arsimore ka bërë vetëdeklarim se është i padënuar”, deklaroi juristja./CNA.al

Lajmet e fundit nga