LEXO PA REKLAMA!

SHKARKO APP

Nga Ylli Dylgjeri/ Reflektim pas një xhesti...

26 Nëntor 2021, 19:16, Opinione CNA
Nga Ylli Dylgjeri/ Reflektim pas një xhesti...

-Duam edhe fjalën e jo vetëm xhestin zonja Kim!

“Në momentin që Ilir Beqja ka marrë fjalën në takim, gjë që nuk ishte parashikuar në axhendë, ambasadorja amerikane duket teksa mbyll dosjen.

Në pamjet e ofruara nga regjia qendrore e Ministrisë së Brendshme, nuk fokusohet momenti kur ambasadorja Yuri Kim në shenjë demonstrative është larguar nga salla pak sekonda pasi Beqja ka nisur fjalimin e tij”- kështu komentoi shtypi, gazetat, opinioni pas largimit që ambasadorja amerikane bëri në takimin konsultativ të Ministrisë së Brendshme me donatorët.

Pyetja e parë që më vjen si përçues i opinionit publik është:

A mjafton kjo dalje nga takimi?

Mendoj se jo. Zonja Yuri Kim, duhet të na e shpjegojë këtë largim demostrativ. Të na flasësh shqip. Të denoncosh shqip. Të komentosh “Pse-në” e largimit !Mos e lini vetëm me xhestin diplomatik: ika dhe reagova!

Jo! Kjo është pak. Personi me emrin Ilir Beqja është akuzuar pafundësisht deri më tash.

Kjo është transparenca që na ka mësuar demokracia amerikane. Kjo është gjuha që na mësojnë liderët e SHBA-së.

Sepse Ju, jeni dalluar deri më sot për njëanshmeri me pushtetin zonja Kim. Për miklime, për heshtje, për mungesë të personaliteti, për cënim të marrëdhënieve që kanë ekzistuar mes dy popujve, mes dy shteteve në historinë e hershme e të re. Vetëm në kohën Tuaj zonja Kim shtypi, publiku ju kritikojnë hapur. Ambasadori i SHBA në këtë vend ishte një mit. Një lule mos prek. Vetëm në kohën Tuaj, u preket si lule, u këputet deri në përmbysje  sondazhesh. Sondazhet europiane treguan përmbysje në dashurinë mes dy popujve…

Ky është sot realiteti i marrëdhënieve. Nëse ke mision forcimin e marrëdhënieve mes dy popujve duhet të flasesh sot. Xhesti nuk mjafton. Xhesti vetëm ledhaton sërisht.Të bëni me xheste është shumë mesdhetare, bëni amerikanen zonja Kim./CNA.al

Lajmet e fundit nga