LEXO PA REKLAMA!

SHKARKO APP

Fituan me Tiranën, Gjici: Nuk mbaron kampionati këtu

23 Nëntor 2021, 08:07, Politikë CNA
Fituan me Tiranën, Gjici: Nuk mbaron kampionati këtu

Safet Gjici, presidenti i nderit i Kukësit, ka deklaruar se është i kënaqur me fitoren ndaj Tiranës, por ekipi duhej të vazhdonte në këtë rrugë. Në ?SuperSport? ai tregoi edhe situatën me stadiumin e Kukësit dhe pse nuk u inaugurua dje sipas planit.

?Kur fiton normalisht kënaqesh, por nuk mbaron kampionati këtu, është i gjatë. Kënaqemi sa për sot, se nesër vazhdon punën, është ditë e re. Patjetër jemi të kënaqur se mundëm ekipin që është në vend të parë me meritë ndaj patjetër që jemi të kënaqur.

Ka 2-3 vite që nuk rri më afër ekipit se kuptohet ngarkesa që kam. Patjetër që ka delegim kompetencash te persona që merren me klubin, duke filluar nga administratori, stafi, Pero që njeh kampionatin dhe ka kombinuar mirë me trajnerin. Besoj që Pero duhet të jetë më kërkues sa i përket kërkesës së llogarisë së të gjithë klubit dhe besoj se do ia dalin se janë profesionistë.

E kishim planifikuar të luanim në stadiumin tonë, por ata që shtruan fushën, nuk na lanë ta përdorim si e kishim planifikuar. Kur të na japin OK, besoj se pjesa tjetër për 10 ditë mbaron gjithçka. Vetëm për fushën presim OK nga specialistët. Stadiumi kuptohet që është një vlerë e shtuar për Kukësin, është një investim goxha i madh, 10 milionë dollarë?, tregoi Gjici.

Lajmet e fundit nga