LEXO PA REKLAMA!

SHKARKO APP

E fundit!

x

Bylykbashi: Partia Demokratike nuk është repart ushtarak

22 Nëntor 2021, 21:49, Politikë CNA
Bylykbashi: Partia Demokratike nuk është repart ushtarak

?Partia nuk është repart ushtarak?, tha deputeti i PD-së Oerd Bylykbashi në emisionin ?Now? me Erla Mëhillin, duke kritikuar mënyrën se si kryetari i partisë Lulzim Basha e udhëheq atë.

Ai shtoi se Bashës i ka mbetur një grup deputetësh të cilët do të marrin vendimin e duhur në momentin e duhur.

?Unë besoj se një numër i rëndësishëm i deputetëve që janë aty do të marrin qëndrimin e duhur; janë kolegë dhe unë i respektoj edhe nësë marrin vendimin tjetër. Unë nuk e kam problemin se çfarë mendonjë ata, e kam problemin se çfarë mendon Basha për mënyrën se si funksionon partia. E gjitha është nën këmbët e tij?, tha Bylykbashi.

?Është një garnizon, madje edhe po të dëgjoni leksikun e tij në mbledhjen e Grupit Parlamentar, mbledhje kryesie apo në mbledhje edhe më të zgjeruara, vazhdimisht flet me një gjuhë të themi luftarake. Pra e koncepton partinë si repart ushtarak. Partia nuk është repart ushtarak. Individi më i thjeshtë, anëtari më i thjeshtë në parti, ka aksionet e tij 30 vjeçare në atë parti?, theksoi Bylykbashi.

Ai shtoi se deputetët nuk duhet të cilësohen si ?të Bashës?, për arsye se ata janë deputetë të PD-së.

?Në fakt ata nuk janë deputetët e Bashës, nuk duhet të jenë deputetët e Bashës. Ata do të duhej të ishin deputetë të Partisë Demokratike. Deputetë që janë zgjedhur nga anëtarësia, që kanë punuar me ta për t?u zgjedhur duke marrë votën?, tha ai./euronews

Lajmet e fundit nga