web counter
LEXO PA REKLAMA!

SHKARKO APP

App Store
Google Play

E fundit!

x

Në panik nga largimi/ Basha shton sulmet ndaj Berishës

22 Nëntor 2021, 19:41, Politikë CNA

Kreu ende në detyrë i PD Lulzim Basha ka marrë me rradhë çdo televizion, për të treguar se Kuvendi i thirrur prej tij është ai reali që mbështesin demokratët dhe se sipas tij në 11 dhjetor do jetë thjesht një miting. Përveç kësaj, në qendër të ccdo fjale të tij, Basha ka sulmet ndaj ish kryeministrit dhe liderit të demokratëve Sali Berisha.

Kur ky i fundit ka një mbështetje të gjerë në bazë dhe pasqyrë e këtij fakti janë Foltoret që po mban në çdo qytet, ku po e presin dhe përcjellin me qindra demokratë, ku thirrjet për rikthimin e tij në parti sa vijnë e shtohen më tepër.

Por mesa duket, shpirti luftarak i demokratëve ka tmerruar Bashaën, i cili duke mos ditur se ccfarë të thotë tjetër sulmon Berishën se po përçan demokratët.

Sot Basha zhvilloi një intervistë për Vizion Plus, ku u shpreh se Berisha është një njeri dhe politikan që i ka mbaruar koha. ?Sali Berisha ka demonstruar dy muajt e fundit se është një njeri dhe një politikan që i ka mbaruar koha, është jashtë kohe. Është jashtë kohe me mënyrën se si është sjell?, tha Basha.

E ndërsa për Foltoret, që deri tani kanë treguar se është një nga lëvizjet më të suksesshme, për Bashën kjo rrugë nuk është në vlerat e partisë. Sipas politikës së Bashës, në partimet e PD është mbyllja në zyrë dhe mospërballja me demokratët, duke mos dëgjuar asnjë problem të tyren. ?Rruga që Sali Berisha ka zgjedhur nuk ka asnjë lidhje më me vlerat dhe parimet për të cilat qëndron kjo parti, e ka bërë këtë sepse dëshiron, ka zgjedhur që të bëjë gjithçka për ta përdorur Partinë Demokratike edhe demokratët si mish për top për hallet e veta. Këtë nuk mund t?ia lejoj dhe t?ia fal asnjë demokrati të ndershëm?, tha Basha.

E ndërsa për demokratët që e mbështesin dhe shkojnë në Foltore, Basha i quan veprime kriminale, sepse sipas tij po mbështesin një person që është shpallur non grata nga SHBA.

?Unë nuk e kam komentuar dhe nuk e komentoj vendimin e qeverisë amerikane dhe përpjekja për të tërhequr njerëz që kanë sakrifikuar për këtë parti në një betejë me Shtetet e Bashkuara të Amerikës, është e pafalshme, madje do të thoja kriminale?, tha ai.

E ndërsa për përjashtimin e Berishës, Basha u justifikua duke thënë: ?Nuk flas për përjashtimin e Sali Berishës, unë flas për zbatimin e statutit ndaj çdokujt, qoftë ky dhe Sali Berisha, e para. E dyta, ajo që ka ndodhur është e qartë, këto dy muaj kohë Sali Berisha nuk i shfrytëzoi për të bërë të vetmin akt që prisnin dhe meritonin demokratët?.

Ndërsa mbajtjen e Kuvendit që e kanë kërkuar gati 5000 delegatë, për Bashën është një blof i Berishës. ?Nuk ka : ka se po të kishte padsikutim që unë i pari do të kisha garantuar që vullneti i demokratëve, i delegatëve, të respektohej dhe ju e dini fare mirë që kjo u pamundësua në mënyrën se si vetë Sali Berisha vendosi çastin e fundit të bënte blofin me atë që e quajti një proces pëe zbatimin e Statutit dhe demokracinë e brendshme. gjuha e tij tashmë provon para të gjithëve se nuk ka asnjë interes tjetër përpos se ta mbajë Partinë Demokratike në vendnumëro, madje ta sabotojë në përballjen me regjimin me të vetmin qëllim për ta përdorur si mburojë kundra Shteteve te Bashkuara të Amerikës?, tha ai.

E duket se të gjitha këto sulme vijnë si pasojë e frikës që kreu i PD ka nga shkarkimi pas Kuvendit të 11 dhjetorit. /CNA.al





Lajmet e fundit nga