web counter
LEXO PA REKLAMA!

SHKARKO APP

App Store
Google Play

E fundit!

x

“Do ngelesh vetëm me Gazin”/ Spaho-Bashës: E mjera PD ku është katandisur me ty

18 Nëntor 2021, 07:23, Politikë CNA

Deputeti demokrat Edmond Spaho  ka komentuar deklaratat e kreut të PD-së në largim Lulzim Basha, duke i quajtur si marrëzia e madhështisë.

Duke i referuar deklaratave të Bashës për përjashimin e atyre që i dalin kundër, ai i ka sugjeruar që të lërë mënjanë kërcënimet.

?Marrëzia e madhështisë. Do përjashtojë gjithë antarësinë e PD. Po bëre këtë do ngelësh vetëm me Gazin o çun.

Lëri kërcënimet se nuk na tremb. Shumë kërcënime ke bërë, por të gjitha i le në rrugë. E kërcënove Ramën 8 vjet, por vetëm humbe.

E mjera PD ku ka katandisur me ty?, ka shkruar Spaho në rrjete sociale.

Më tej Spaho e ka krahasuar Bashën me një bixhozxhi që vetëm humb,

?Të morëm për As por na dole…si ai Lundërtari te Udhëtimet e Guliverit të Jonatan Sëift.

Një anije po përgatitej për një lundrim të vështirë e të gjatë në oqean.

Kapiteni i anijes para se të nisej e furnizoi atë me ushqime, ujë, qymyr, ilaçe dhe barot si dhe e plotësoi me ekuipazh.

I mungonte vetëm një person, më i rëndësishmi, Lundërtari, ai që do udhëhiqte anijen nëpërmjet hartave në kohë të vështira e stuhi.

Për të gjetur Lundërtarin, mjeshtrin e hartave, kapiteni doli nëpër mejhanet e portit.

Diku i zunë sytë një marinar që po rrëkëllente ca gota. Ju afrua dhe e pyeti: a merr vesh nga hartat zotëri?

Pasi i hodhi një vështrim nga koka tek këmbët, Lundërtari ju pergjigj: Si mund ta vesh në dyshim, ajo është puna që unë bëj më mirë.

A do bashkohesh me ne në udhetimin tonë në oqean, vazhdoi kapiteni?

Me kënaqësi, u përgjigj Lundërtari.

Me të thënë e me të bërë dhe vrap në anije. U ngrit spiranca, u hapën velat dhe anija mori ujrat e oqeanit.

Pas disa orësh udhëtim një stuhi e madhe i kapi.

Kapiteni menjëhere urdhëroi të vijë Lundërtari, njeriu i hartave. Ja vuri ato përpara dhe i tha: na udhëhiq nga të shkojmë.

“Lundërtari” e pa me habi të madhe dhe i tha: Çi ke këto more? Po ku marr vesh une nga hartat?

Kur më pyete nuk të thashë që marr vesh nga hartat. Të thashë që marr vesh nga kartat…kartat e bixhozit?, ka shkruar më tej Spaho./CNA.al





Lajmet e fundit nga