LEXO PA REKLAMA!

SHKARKO APP

“Çmenduri”/ Paloka reagon pas deklaratës së Bashës: Vendos shumica, jo vula

17 Nëntor 2021, 20:21, Politikë CNA

Kryetari i Këshillit Kombëtar të PD, Edi Paloka, ka folur në lidhje me situatën në të cilën ndodhet Partia Demokratike si dhe deklaratat e Lulzim Bashës në mbledhjen me kryetarët e degëve, ku ka kërcënuar se do të përjashtojë nga partia këdo që do të marrë pjesë në kuvendin e 11 Dhjetorit.

Në një intervistë në studion e “Ora 19:00” me Juli Krisafin në Syri Tv, Paloka është shprehur se kjo është një katastrofë për ata që përfaqësojnë PD.

Do të doja që ky lajm të mos ishte i vërtetë, pasi në të kundërt do të ishte katastrofë. Jo për ata që do të mblidhen në datën 11, por për ata që përfaqësojnë PD-në“, tha Paloka.

Paloka theksoi se do të ishte një çmenduri për drejtuesit aktualë të PD nëse tentojnë të bëjnë një gjë të tillë.

?Duhet ta kemi parasysh të gjithë. Në mbledhjen e kryesisë së PD, dy prej nënkryetarëve të PD, i pari tha se edhe nëse PD përçahet, nuk kemi ça ti bëjmë do të ndodhë. E dyta deklaroi me qetësinë më të madhe që nëse ka ardhur momenti që PD të shkatërrohet, atëherë le të shkatërrohet. Këtu pastaj kemi përballë, jo me Edi Palokën, por me shumicën e deemokratëve. Ne nuk mund të lejojmë që për hir të karrigeve, për hir të dy zyrave që mbajnë disa njerëz sot në PD të shkatërrohet PD. Nuk e di kush mund ta pranojë këtë. Nuk e di çfarë mendje e sëmurë të jetë që edhe ta thotë edhe ta mendojë që kjo mund të ndodhë me qetësinë më të madhe. PD është partia që unë kam themeluar me studentët e Dhjetorit, me Sali Berishën, Azem Hajdarin, Aleksandër Meksin e shumë të tjerë, PD është jeta ime, kam 30 vjet në këtë part, janë dhe shumë të tjerë si unë.

PD nuk janë ato zyra që kemi ne, as ato akrrige, as vula, por janë ata qindra e mijëra demokratë, militantë, që janë anëtarë të PD që nga 11 dhjetori i 1990, janë përleshur dhe burgosur, janë prej 8 vitesh rrugëve nën dhunën e një qeverie që më antishqiptare nuk mund të bëhet, këta janë PD-ja. Nëse dikush për një moment për interesa të tij mendon, pra një pakicë, se mund të largojë shumicën dhe të mbajë karriget dhe zyrat vetë, kjo nëse do të ishte e vërtetë, sepse uroj të mos ketë asgjë të vërtetë, do të ishte katastrofë për ata, jo për demokratët. PD është e militantëve, e anëtarëve të ësaj, e atyre 620 mijë votuesve të PD, nuk është as e Edi Palokës, as e Lulzim Bashës, madje as e Sali Berishës nëse ai do të sillej në këtë mënyrë.

Vendos shumica në PD, vendos anëtarësia dhe unë për këto arsye deri më sot kam këmbëngulur dhe kam kërkuar që palët të gjejnë një zgjidhje mes tyre. Dhe e vetmja zgjidhje ishte vota. Ia kam kërkuar Lulzim Bashës. Sali Berisha natyrshëm ka dalë në këtë zgjidhje, kërkon votën për të zgjidhur këtë çështje. Ia kam kërkuar edhe Lulzim Bashës. Pse kemi arritur në këtë pikë, t’ia lëmë në dorë delegatëve. Le të votohemi të gjithë si dikur. Dikur në PD votohej gjithsecili prej nesh nga kryetari i partisë, kryeministri, presidenti që ishte Sali Berisha, kryeministri ishte Aleksandër Meksi, e deri te i fundit që isha unë gazetar i ‘Rilindjes Demokratike’. Vota vendos, kush është shumicë dhe jo kush mban vulën, zyrën apo karriget. Nëse dikush çmendet dhe mendon se do të dalë si pakicë mbi shumicën, kjo është fatkeqësi për të?, tha Paloka./ CNA.al 

Lajmet e fundit nga