web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria humbi një engjëll”/ Lindita Nikolla: Vrasja mund të ishte shmangur

17 Nëntor 2021, 09:09, Politikë CNA

Kryetarja e Kuvendit, Lindita Nikolla, ka reaguar sot për vrasjen barbare të 8-vjeçarit Mateo Vasiu në Fier.

Në një postim në rrjetet sociale, Nikolla kërkon që autori i këtij krimi barbar të marrë ndëshkimin maksimal.

Sipas saj, pas këtij krimi qëndron një histori lëshimesh dhe një zinxhir përgjegjësish, që nëse do ishin shmangur Mateo sot do të ishte me shokët në shkollë.

?Dje Shqipëria humbi një fëmijë, një engjëll të vogël tetëvjeçar. Krimi i tmerrshëm ndodhi në Fier. Pas këtij krimi qëndron një histori lëshimesh dhe një zinxhir përgjegjësish. Nëse ato do të ishin shmangur, Mateo sot do të ishte në shkollë, me shokët dhe shoqet e tij. Krimineli ka dhunuar edhe më parë dhe për një krim të rëndë ka marrë një dënim përkëdhelës. Të gjithë duhet të nxjerrim mësime nga kjo që ndodhi dhe autori i këtij krimi barbar duhet të marrë ndëshkimin maksimal. Shoqëria dhe komunitetet duhet gjithashtu të reflektojnë. Krimet ndodhin para syve edhe për shkak të mungesës së vëmendjes dhe reagimit tonë.
E kam të vështirë të gjej një fjalë ngushëlluese për prindërit dhe familjarët e Mateos. Asgjë nuk lehtëson dhimbjen e padurueshme të tyre.
U prehsh në paqe, engjëll!?, shkruan në reagimin e saj Lindita Nikolla./CNA.al





Lajmet e fundit nga