E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënuar këtë të enjte në Lozhan të M...

“Mos lejoni injorancën t'ju frikësojë”/ Apeli i fortë i mjekut Erion Dasho

17 Nëntor 2021, 10:32, Lifestyle CNA

Mjeku Erion Dasho ka shprehur se historia e vaksinimit, nga një çështje mjekësore, tashmë është kthyer në një çështje shoqërore me dimensione politike, futuriste, madje deri apokaliptike.

Teksa bëri thirrje tëforta për vaksinim, ai akuzon Qeverinë si shkaktarin e kaosit, e cila në këto muaj pandemi i shkaktoi dëme të pallogaritshme shëndetit dhe jetës së shqiptarëve.

?Historia e vaksinimit u kthye nga një çështje mjeksore në një çështje shoqërore me dimensione politike, futuriste, madje deri apokaliptike. Përvoja ka treguar se histori të tilla nuk mbarojnë mirë.

Kur shoh agresivitetin e kategorive anti-Vax, kuptoj se është e pamundur t’u mbushësh mendjen atyre të vaksinohen. Atyre thjesht duhet t’u urosh të mos i zërë COVID-i, ose në se kanë fatin e keq të sëmuren, ta kalojnë pa pasoja.

Promovimin e vaksinës ta vazhdojnë ata që e kanë për detyrë, Instituti i Shëndetit Publik dhe institucionet e tjera shëndetësore.

Ta vazhdojnë edhe ata që janë shkaktarët kryesorë të këtij kaosi, ministria dhe komiteti i të paaftëve, Z. Rama dhe Zj. Manastirliu; ata që në këto muaj pandemi u shkaktuan dëme të pallogaritshme shëndetit dhe jetës së shqiptarëve?, shkruan Dashon ë rrjetin social Facebook.

Më tej ai bën thirrje për vaksinim, si mënyra e vetme për të mbrojtur shëndetin.

?Statusi im i fundit mbi temën e vaksinimit u drejtohet vetëm miqve në Shqipëri dhe kudo në botë si dhe atyre që kuptojnë motivet që më kanë shtyrë në këta katër muaj të bëhem një nga mbështetësit dhe promovuesit e fushatës së vaksinimit.

Këtyre u them për herë të fundit:

Vaksinohuni!

Vaksinohuni sidomos nëse nuk e keni kaluar COVID-in!

Nëse e keni kaluar COVID-in para 6 deri 9 muajsh (në varësi nga mosha), vaksinohuni me një dozë!

Nëse kanë kaluar gjashtë muaj nga vaksinimi, rivaksinohuni!

Nëse fëmijët tuaj dëshirojnë të vaksinohen, mos lejoni injorancën t’ju frikësojë e tërheqë për hunde, por vaksinojini ata!

Përdorni si për vaksinimin, ashtu edhe për rivaksinimin vetëm vaksina të sigurta, Pfizer, Astra Zeneca, Moderna ose Johnson & Johnson!

Duke u vaksinuar, ju mbroni veten tuaj dhe të tjerët rreth jush, sidomos të moshuarit dhe të sëmurët!

Duke u vaksinuar ju mbroni shëndetin dhe jetën tuaj! ?, shkruan Dasho./CNA.al