Debatet në PD/ Paloka zbulon hilen e Bashës

15 Nëntor 2021, 21:38, Politikë CNA
Debatet në PD/ Paloka zbulon hilen e Bashës

Kryetari i Këshillit Kombëtar të PD, Edi Paloka ka sqaruar propozimin e tij në mbledhjen e Kryesisë, ku ka sugjeruar të caktohen përfaqësues për të vërtetuar 4200 firmat e delegatëve.

I ftuar në emisionin ?Të paekspozuarit? me Ylli Rakipin, Paloka tha se ky propozim nuk u pranua dhe thirrjen e Kuvendit nga Basha në 18 Dhjetor e ka quajtur një hile të pandershme që nuk çon në një zgjidhje.

?Unë sot propozova, që meqë jemi në këtë ngërç, që nuk ka procedurë apo rregull, se si këto firma mblidhen dhe verifikohen, të dy palët që nuk kanë besim tek njëra tjetra, të përcaktojnë përfaqësues të tyre, të vijnë në zyrë, të marrin cdo formular një nga një, me listën e delegatëve të Kuvendit, të vërtetojnë janë apo jo delegatë. Këtë e kam kërkuar në kryesi dhe kjo nuk u pranua.

Pra nuk paska qenë çështja te firmat. Meqenëse u verifikua që firmat ekzistojnë, u dol tek ky varianti, që është një hile e pandershme, që nuk na con aty ku duhet, por tek falsiteti, që nuk e di cfarë zgjidhje u jep atyre që e propozuan?, ka thënë Paloka./ CNA.al

Lajmet e fundit nga