LEXO PA REKLAMA!

SHKARKO APP

E fundit!

x

“Foltorja kaloi nga suksesi në sukses”/ Berisha: Është lëvizja e dytë më e rëndësishme

10 Nëntor 2021, 18:39, Politikë CNA
“Foltorja kaloi nga suksesi në sukses”/ Berisha:

Ish kryeministri Sali Berisha u shpreh se Foltorja ka qenë lëvizja e dytë më e rëndësishme në historinë e PD.

Nga Rogner, ku po mban konferencën për media, Berisha deklaroi se zbritja në bazë me demokratët ishte si një dritë në fund të tunelit, ku ndezi shpresën e shumë personave, duke e cilësuar si lëvizjen më të suksesshme.

?Kjo përballje e suksesshme, kjo lëvizje që tronditi Shqipërinë dhe u shndërrua në dritën e tunelit të zi që ishin zhytur shqiptarë, është pas vitit 1991, lëvizja e dytë më e rëndësishme historike. Ju jeni dëshmitarë të përpjekjeve djallëzore të narko qeverisë por edhe aleatëve të saj ta pengojnë me çdo kusht këtë lëvizje, të çdekurajojnë demokratët me deklarata absurde, por që të gjitha dështuan.

Foltorja kaloi nga suksesi në sukses, kaloi si dritë shprese nga shpirti në shpirtin e njerëzve, kaloi sigurinë, entuziazmin, nga zemra në zemër të shqiptarëve. Kush e mendonte këtë dy muaj më parë? Unë që po flas sot para jush absolutisht që nuk e mendoja. Por pse ndodhi kjo pritje e jashtëzakonshme e kësaj lëvizje?  Pse kjo  lëvizje u shndërrua në magnet të të rinjve? Çfarë ndodhi? Kjo vjen nga fakti se që të gjithë këta, dhe çdo ditë e më shumë shohin te foltorja burimin e shpresës, shohin te foltorja shpërthimin e energjive. Shohin te foltorja dritën. Nuk mund ta mohoj se shohin tek Sali Berisha një potencial që ta bëjë të harrohet berisha i dytë për një rikthim të suksesshëm?, shprehet Berisha./CNA.al

Lajmet e fundit nga