LEXO PA REKLAMA!

SHKARKO APP

Skandali me inceneratorët/ Akuzat e forta të deputetit, zbulohet plani i “errët” i qeverisë?

10 Nëntor 2021, 13:37, Politikë CNA
Skandali me inceneratorët/ Akuzat e forta të deputetit, zbulohet plani

Deputeti i PD, Belind Këlliçi ka hedhur akuza të forta në drejtim të qeverisë shqiptare, në lidhje me koncesionet e inceneratorëve.

Gjatë fjalës së tij në Komisionin Hetimor Parlamentar për inceneratorët, Këlliçi është ndalur tek koncesioni 128 milionë euro, për inceneratorin e Tiranës.

Në lidhje me këtë koncesion, deputeti theksoi se një ndër skandalet është fakti se aty nuk ekziston një incenerator, por vetëm landfill, që helmon nëntokën.

?Mbeturinat kapsulohen, groposen, helmohet nëntoka dhe sot në landfillin e Sharrës nuk ka një incinerator që bën djegien e mbetjeve. As objekti i incenerimit nuk është?-tha deputeti Këlliçi.

Më tej, ai risolli në vëmendje edhe marrëveshjen me Bashkinë e Durrësit, për të sjellë mbetjet në Tiranë.

?Më tej dihet presioni i kryeministrit ndaj Bashkisë së Durrësit për të nënshkruar një kontratë me inceneratorin e Tiranës për të inceneruar mbetjet.

Në kulmin e sezonit turistik, Durrësi u mbush me plehra dhe në gusht të vitit 2021 qeveria i dha 32 milion euro, nga taksat e shqiptarëve, për të mbështetur bashkinë e Durrësit që kjo e fundit të paguajë inceneratorin e Tiranës?-deklaroi Këlliçi.

Më tej, ai hodhi edhe dyshime të forta se plani i qeverisë nuk është thjeshtë dhe vetëm trajtimi i mbetjeve në vendin tonë, por qëllimi sipas tij është të sillen edhe mbetjet e rajonit.

?Këta inceneratorë duhet të furnizohen me mbetjet e rajonit. Vetëm inceneratori i Elbasanit, nëse do të funksiononte me kapacitet të plotë, është për 4.3 milionë banorë. Të Shqipërisë dhe të Maqedonisë së Veriut.

Imagjinoni të funksionojnë me kapacitet të plotë të tre inceneratorët?-deklaroi Këlliçi.

Po ashtu ai tha se “Ne do të ftojmë në komision të dëshmojnë gazetaren e Birn, por edhe media që kanë pasur guximin të shkruajnë për këtë që nga Ora neës, syri tv dhe CNA.al“.

Lajmet e fundit nga