web counter
LEXO PA REKLAMA!

SHKARKO APP

App Store
Google Play

E fundit!

x

Çelja e negociatave me BE/ Kryeministri holandez sërish “ngre duart”

10 Nëntor 2021, 12:14, Politikë CNA

Kryeministri i Holandës Mark Rutte po zhvillon sot një vizitë zyrtare në Shqipëri, ku është pritur me një ceremoni shtetërore nga kryeministri Edi Rama.

Ata i janë drejtuar së bashku Kryeministrisë ku patën një takim mes tyre dhe tashmë janë në një konferencë të përbashkët për shtyp.

Ndërkohë, gjatë konferencës për mediat me kryeministrin Edi Rama, Mark Rutte nuk tha asgjë të re sa i takon çeljes së negociatave për anëtarësimin e Shqipërisë në BE.

Mark Rutte theksoi se shpreson që situata të ndryshojë, pas zgjedhjeve në Bullgari.

?Është e drejtë që për të nisur konferencën e parë ndërqeveritare të ndryshojë qëndrimi i Bullgarisë. Shpresoj që kjo të ndodhë. Do të ishte e drejtë, ju keni bërë kaq shumë përparime.

Natyrisht që shumë keni bërë. Bashkimi Europian dhe Shqipëria duhet të forcojnë marrëdhëniet. Duhet të ketë diçka midis gjatë rrugës që ecim përpara. Jam i lumtur që vendet tona zhvillojnë marrëdhëniet dypalëshe.

Ne bashkëpunojmë intensivisht. Holanda është investuesi më i madh në Shqipëri. Ne vazhdojmë të takohemi. Le të vazhdojmë të punojmë kështu, të takohemi, ta ndërtojmë këtë miqësi dhe ta bëjmë më shumë praktike?-tha ndër të tjera Mark Rutte./CNA.al





Lajmet e fundit nga