web counter
LEXO PA REKLAMA!

SHKARKO APP

App Store
Google Play

“Policia e Shtetit e angazhuar për përmbushjen e prioriteteve”/ Gledis Nano: Jemi në shërbim të qytetarëve

9 Nëntor 2021, 10:31, Politikë CNA

Drejtori i Përgjithshëm i Policisë së Shtetit, Gledis Nano ishte i pranishëm sot në prezantimin e buxhetit 2022 për Ministrinë e Brendshme.

Në fjalën e tij, Nano theksoi se Policia e Shtetit ka pësuar një reformim të thellë dhe po vijon të reformohet me qëllim një shërbim më të mirë ndaj qytetarëve.

Po ashtu ai theksoi se sot Policia e Shtetit është më e trajnuar dhe me besueshmëri më të lartë tek qytetarët.

Nano tha se për herë të parë ka një rritje te buxhetit per Policine e Shtetit me 81% krahasuar me 1 vit më parë. Ai theksoi se do të ketë rritje pagash, modernizim dhe investime në infrastrukturë.

“Prej më shumë se 4 vite është aplikuar marrja me qira e mjeteve të transportit rrugor që konsiderohet si modeli më efektiv,. nisur nga avantazhet financiare dhe operative.  Fondet për investime me financim të brendshëm për herë të parë me rritje me 81%, 550 mln lekë më shumë krahasuar me vitin aktual. Do të financohen objekte dhe blerje pajisje speciale për policinë kriminale, teknologjinë e informacion dhe policinë shkencore. Vetëm për rinovimin e sistemit të transmetimit datacom do të bëhet e mundur ndërlidhja e 85% të strukturave. Do të vijojë rinovimi i armatimit.

Policia e Shtetit e angazhuar për përmbushjen e prioriteteve të saj në kuadër të anëtarësimit në BE dhe përballjen me sukses në detyrat e ngarkuara“- tha Nano./CNA.al





Lajmet e fundit nga