web counter
LEXO PA REKLAMA!

SHKARKO APP

App Store
Google Play

E fundit!

x

Studimi: Koronavirusi mund të ndikojë në veshin e brendshëm, dëgjimin dhe ekuilibrin

1 Nëntor 2021, 18:30, Lifestyle CNA

Deri më tani, duket se nuk ka pothuajse asnjë pjesë të trupit që nuk e godet koronavirusi i ri, por hulumtimi i ri shton një tjetër, COVID-19 mund të jetë në gjendje të infektojë veshin e brendshëm dhe të ndikojë në dëgjimin dhe ekuilibrin.

Ka pasur raporte për pacientë me COVID-19 me simptoma të tilla si humbja e dëgjimit, zhurma në vesh (tinitus), marramendje dhe probleme të ekuilibrit, kështu që Instituti i Teknologjisë në Massachusetts dhe shkencëtarët e syve dhe veshëve në Massachusetts përdorën modele qelizore të veshit të brendshëm për të studiuar se si ndikon Koronavirus tek veshi i brendshem.

Rezultatet e tyre sugjerojnë se virusi SARS-CoV-2 mund të infektojë veshin e brendshëm, dhe mund të shkaktojë probleme për dëgjimin dhe ekuilibrin. Në një shkallë më të vogël, koronavirusi mund të infektojë qelizat Schwann, të cilat izolojnë neuronet.

Llojet e tjera të qelizave në veshin e brendshëm nuk janë të ndjeshëm ndaj infeksionit, sipas studimit të botuar më 29 tetor në revistën Communications Medicine.

Rrugët e mundshme të hyrjes së koronavirusit në veshë përfshijnë tubin Eustachian, i cili lidh hundën me veshin e mesëm, sugjeruan studiuesit.

Virusi mund të jetë gjithashtu në gjendje të dalë nga hunda përmes vrimave të vogla që rrethojnë nervat e nuhatjes, të hyjë në hapësirën e trurit dhe të infektojë nervat kraniale, duke përfshirë atë që lidhet me veshin e brendshëm.

Studimi ofron prova të forta se koronavirusi mund të shkaktojë probleme të dëgjimit dhe ekuilibrit, por përqindja aktuale e pacientëve me COVID-19 që kanë përjetuar probleme me veshët nuk dihet.

Hapi tjetër i ekipit është të testojë trajtimet e mundshme për infeksionet e veshit të brendshëm të shkaktuar nga SARS-CoV-2 dhe viruse të tjera./ CNA.al





Lajmet e fundit nga