LEXO PA REKLAMA!

SHKARKO APP

Edukimi në Shqipëri/ Këlliçi: Arsimi duhet ofruar falas

29 Tetor 2021, 18:51, Politikë CNA
Edukimi në Shqipëri/ Këlliçi: Arsimi duhet ofruar falas

Edukimi i të rinjve përballi në ?RinON? zv.ministrin e Financave, Besart Kadia dhe deputetin demokrat Belind Këlliçi.

Këlliçi tha se tarifat e larta të studimit kanë lënë mijëra të rinj pa mundësi për të studiuar, ndaj një nga strategjitë e PD, e prezantuar gjatë fushatës elektorale ishte zerimi i tarifës së studimit dhe përgjysmimit të saj për kategori të caktuara.

Sipas tij, është e turpshme që akordi me 8 pika i arritur gjatë protestës së studentëve në 2018 sot nuk funksionon.

Një shqetësim i madh sipas Këlliçit është largimi i trurit, shtresës së mesme të popullsisë, që është motori i zhvillimit të ekonomisë.

?Alternativa jonë lidhet me edukimin, me pagimin e stazheve për studentët ekselentë, kualifikimin dhe punësimin në fushën e edukimit të tyre. Kemi premtuar zerimin e tarifave për familjet me të ardhura deri në 640 mijë lekë të vjetra në muaj?, tha z. Këlliçi.

Për zv.ministrin Besart Kadia, diskutimi nuk është që arsimi të bëhet falas, por cilësor. Ai e vuri theksin tek kërkimi shkencor, që mungon në institucionet private dhe shtetërore.

?Diskutimi nuk është nëse bëjmë politika zëro të arsimit të lartë. Bizneset shqiptare shpenzojmë shumë pak për kërkim shkencor. Diskutimi për arsim falas ose jo nuk i shërben cilësisë?, tha z. Kadia./euronews

Lajmet e fundit nga