LEXO PA REKLAMA!

SHKARKO APP

App Store
Google Play

Celibashi paralajmëron nga Korça/ Do të ketë kallëzime penale për 25 prillin

28 Tetor 2021, 15:06, Politikë CNA
Celibashi paralajmëron nga Korça/ Do të ketë

Kreu i KQZ Ilirja Celibashi ka bërë me dije se do të ketë kallëzime penale për komisionerët në rast se shkeljet e bëra gjatë numërimit të votave të 25 prillit kanë deformuar rezultatin.

Në një deklaratë për media nga qyteti i Korçës, Celibashi u pyet nga gazetarët edhe për nevojën e një reforme të re zgjedhore në çdo palë zgjedhje, për të cilën tha se do të ndodhë vetëm në rast se do të ketë rekomandime nga OSBE.

Celibashi e vlerësoi nismën e opozitës për këtë reformë si edhe mazhorancën që e ka mbështetur. Ai shton se reforma duhet të finalizohet sa më shpejt.

?Jemi në proçes vlerësimi akoma të asaj se çfarë ka ndodhur gjatë proçesit të numërimit të fletëve të votimit, në përfundim të këtij proçesi në rastet kur do të identifikohen qartazi shkelje të rënda të rregullave të proçesit për numërimin e fletëve të votimit normalisht që do të ketë sanksione të karakterit administrativ por edhe kallzime penale kur këto shkelje tregojnë dukshëm deformimin e rezultatit të numërimit.

Këtë herë ka nevojë për të kryer një reformë zgjedhore sepse edhe ODIHR sugjeron ndryshine në kodin zgjedhor , por është e rëndësishme që kjo gjë të fillojë tani dhe është gjë e mirë që opozita e ka ndërmarrë këtë inisiativë  pozitive dhe që shumica qeverisëse e ka mbështetur dhe kjo është pozitive. Shpresojmë që proçesi të finalizohet sa më shpejt dhe të mos jemi në pozitën e herëve të tjera kur reformat zgjedhore kanë përfunduar 4,5,6 apo qoftë edhe 1 vit para zgjedhjeve?, tha Celibashi./CNA.al

Lajmet e fundit nga