Aktualitet
Skandali/ Si përfitoi Klodian Zoto miliona euro nga ujësjellësat
Klodian Zoto, pronari i kompanisë ITS, (Integreted Technology Services), e cila qëndron në majën e piramidës së kompanive që kanë marrë me konçesion inceneratorët në Shqipëri, duket se ka shtrirë “tentakulat” edhe në të tjera tendera, të Rilindjes.
Mesa duket “tentakulat” e Klodian Zotos janë shtrirë edhe tek ujësjellësat.
Pra, kur flasim për Mirel Mërtirin, Klodian Zoton dhe Stela Gugallen, nuk po flasim vetëm tek 22 milion eurot e inceneratorit të Elbasanit, për 28 milion eurot e inceneratorit të Fierit, apo për 128 milion eurot e inceneratorit të Tiranës.
Si përfunduan ujësjellësat në “duart” e Klodian Zotos
Menjëherë pas ardhjes së Rilindjes në pushtet kanë lëshuar tentakulat e tyre në shumë bashki të vendit, kryesisht në Berat, në Fier, Tiranë, por edhe në Korçë.
CNA.al ka kryer një investigim të zgjeruar në lidhje me futjen e Klodian Zotos, tek ujësjellësat nëpërmjet instalimit të një sistemi elektronik të matësave. Një histori që ka filluar me Ujësjellësin e Korçës.
Janë kontrata të lidhura për “Për Financimin dhe Instalimin e një sistemi elektronik për matësit e ujit”. Klodian Zoto dhe kompania e tij, ITS, së pari ka shkuar në Korçë, ku kanë instaluar matësa, me vlerë gati 6 milionë dollarë. (Lexo këtu)
Pas Korçës, me 6 milionë euro, nuk ka shpëtuar as Ujësjellësi i Pogradecit.
Dhe kush mendon se do të ngelej me kaq, “tentakulat” e Klodian Zotos së inceneratorëve nëpërmjet lojës me projekte pilote për vendosjen e matësave të ujit me sistem elektronik kanë shkuar në Fier.
Një projekt, i cili ishte disa fish më i shtrenjtë sesa në Korçë.
Në Fier, ka filluar një projekt pilot, por është lënë rrugës. Miliona euro të hedhura kot, nga ujësjellësi, për matësa të cilët pas disa vitesh, pas dy ose tre vitesh kur ka filluar projekti pilot me Ujësjellësin e Fierit, nuk kanë funksionuar. Janë gjetur të mbushur me baltë. Pra, miliona euro të ikura dëm.
Më pas, po e njëjta kompani, vjen edhe në Tiranë, ku janë marrë rreth një million euro në Bashki, për matësva wirless, standardet dhe cilësia e të cilëve lë mjaft për të dëshiruar. Pa folur për çmimin, i cili është disa herë më i lartë sesa tregu. (Lexo këtu)
Pra, një tender prej afro 1 miliard lëkesh i është dhënë kompanisë “Integrated Technology Services – Energy 2 SRL”.
Në faqen zyrtare të kësaj kompanie thuhet se përgjatë periudhës 2019-2020, ka marrë tender për matësa elektronike, me vlerë 757,830.34 euro.
Paratë që kanë paguar shtesë qytetarët e kryeqytetit tek Ujësjellësi i Tiranës, në vend që të sillnin 24 orë ujë nëpër rubinetet e tyre, po shkojnë në xhepat e Klodian Zotos.
Shkojmë më tej në Berat.
Në Bashkinë e Beratit gjithçka ka filluar rreth tetorit të vitit 2013.
Klodian Zoto i ITS-së, shkon dhe pas negociatash, Bashkia e Beratit merr një kredi nga Venetto Bankë, rreth një milion euro për matësa wëirless.
Matësa këto të cilat do të vendoseshin në këtë qytet, por do të kishte dhe një të ashtuquajtur sallë operative, dhe kontrolli apo menaxhimi si dhe kostot e matësave dhe rrjetit të transmetimit.
Salla në të vërtetë ka qënë një ambient me tre televizorë LED, që nuk kushtojnë më shumë se dy apo tre milionë lekë të vjetra dhe disa kompjutera të cilët kontrollonin të ashtuquajtur rrjet, që jepet si zigjidhje nga ITS-ja, e Klodian Zotos. (Lexo këtu)
CNA.al ka publikuar edhe kontratën e cila mban firmën e Fadil Nasufit, në atë kohë kryetar i Bashkisë së Beratit, i cili është dhe personi që ka kërkuar kredinë për të bërë investimin në këtë institucion.
Shkeljet dhe abuzimet janë konstatuar edhe nga një raport i Kontrollit të Lartë të Shtetit.
Gjithçka duket e qartë. Tentakulat e inceneratorëve kanë qënë të shtrirë më parë edhe tek ujësjellësat. Kanë qënë të shtrirë edhe në Korçë. Kanë shkuar në Pogradec, në Fier, në Berat. Dhe tani janë edhe në Tiranë.
Për ata që mendojnë se thjeshtë dhe vetëm gjithçka ka ndodhur me inceneratorët, dhe ai është i vetmi burim të ardhurash, gabojnë.
Klodian Zoto ka përfituar të tjera miliona euro në kurriz të taksapaguesve shqiptarë, edhe nëpërmjet ujësjellësave./CNA.al
Skandali/ Inceneratorët e koncesionit 128 milionë euro, reklama mediatike me taksat e shqiptarëve
Skandali/ Inceneratorët e koncesionit 128 milionë euro, reklama mediatike me taksat e shqiptarëve
Megaskandali/ Tentakulat e inceneratorëve 30 milionë euro nga ujësjellësat
Politikë
Ish-presidenti tregon kush e pengon rrugën e fitores së PD/ Po përjetësojnë pushtetin e Ramës
Ish-presidenti Bujar Nishani shkruan se lidershipi dhe drejtimi I PD është marrë peng nga kryeministri Edi Rama.
Në një postim në rrjetet sociale, Nishani thekson se pengmarrja nga Rama, është ajo që pengon PD, në rrugën drejt fitores.
Sipas Nishanit, kjo situatë e përjetëson të majtën dhe Edi Ramën në pushtetin më të korruptuar e të inkriminuar të 30 viteve të fundit dhe projekton qartë demokratët në opozitë edhe për 30 vitet e ardhshme.
“Demokratët nuk vijnë dot në pushtet kurrë, përsa kohë lidershipi dhe drejtimi i partisë së tyre është marrë peng e kontrollohet nga mazhoranca dhe Edi Rama.
Kjo situatë e përjetëson të majtën dhe Edi Ramën në pushtetin më të korruptuar e të inkriminuar të 30 viteve të fundit dhe projekton qartë demokratët në opozitë edhe për 30 vitet e ardhëshme.
Ndryshimi i Partisë Demokratike, rithemelimi i saj, reformimi e modernizimi janë emergjencë kombëtare dhe përgjegjësi morale e politike e demokratëve.”-shkruan Nishani.
Kronika
“Perimetri” bën “kërdinë” në Korçë/ Prangosen katër persona, në kërkim një tjetër
Policia e Korçës bën të ditur se në kuadër të operacionit “Perimetri”, është goditur një grup i strukturuar kriminal, që ushtronte aktivitetin e kundërligjshëm në fushën e dhënies së ndihmës shtetasve të huaj, për kalim të paligjshëm të kufirit, kundrejt fitimit.
Sipas uniformave blu, janë vënë në pranga 4 shtetas dhe është shpallur në kërkim 1 tjetër.
“Specialistët e Seksionit për Hetimin e Narkotikëve dhe Trafiqeve të Paligjshme pranë Drejtorisë Vendore të Policisë Korçë, në bashkëpunim me Policinë Kufitare dhe Komisariatin e Policisë Devoll, nën drejtimin e Prokurorisë të Rrethit Gjyqësor Korçë, pas një hetimi 6-mujor, në vijim të operacionit policor të koduar “Perimetri” kanë goditur një grup të strukturuar kriminal që ushtronte veprimtarinë e paligjshme të dhënies ndihmë shtetasve të huaj, për kalim të paligjshëm të kufirit, kundrejt fitimit si rezultat i të cilit u bë ndalimi i shtetasve në kërkim:
– A. B., 36 vjeç, banues në fshatin Zëmblak, Maliq,
– B. B., 47 vjeç, banues në fshatin Zëmblak, Maliq,
– L. S., 47 vjeç, banues në fshatin Ponçarë, Devoll,
– A. Z., 51 vjeç, banues në fshatin Ponçarë, Devoll dhe u shpall në kërkim shtetasi:
– E. Z., 24 vjeç, banues në fshatin Ponçarë, Devoll.
Gjykata e Rrethit Gjyqësor Korçë me vendimin e datës 02.12.2021, ka caktuar për këta shtetas masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në bashkëpunim.
Gjithashtu sqarojmë se në kuadër të këtij grupi të strukturuar kriminal, janë arrestuar më parë nga Policia, në kohë të ndryshme, edhe 3 bashkëpunëtorë të tjerë të shtetasve të lartpërmendur, konkretisht shtetasit A. Gj. dhe L. S., banues në Elbasan, si edhe shtetasi I. D., banues në Korçë.
Materialet në ngarkim të tyre i kaluan Prokurorisë pranë Gjykatës së Rrethit Gjyqësor Korçë për veprime të mëtejshme.”-thuhet në njoftimin e policisë.
Politikë
LSI nuk heq dorë nga “30 qershori”/ Akuza të forta Gjykatës Kushtetuese
Nënkryetari i LSI-së, Petrit Vasili ka komentuar vendimin e Gjykatës Kushtetuese, në lidhje me zgjedhjet vendore të 30 qershorit 2019.
Në një postim në rrjetet sociale, Vasili shkruan se kjo Gjykatë, thjeshtë zbardhi kërkesën e Qeverisë.
Vasili e cilëson si skandal, faktin që sipas tij Gjykata Kushtetuese bllokoi pyetjen e Shoqatës së Bashkive për Komisionin e Venecias.
Pas Vendimit të Gjykatës Kushtetuese për votimet moniste të 30 qershorit, ku kjo Gjykatë thjesht zbardhi Kërkesën e Qeverisë, një tjetër fakt tepër i rëndë kompromenton akoma më shumë këtë Vendim dhe pikërisht bllokimin nga Gjykata Kushtetuese të pyetjes, që Shoqata e Bashkive kërkoi që t’i bëhej Komisionit të Venecias.
Sipas Vasilit, pyetja ishte “A është Dekreti i Presidentit për caktimin e datës së zgjedhjeve dhe ai për anulimin e saj, një akt me karakter të përgjithshëm ose akt normativ kushtetues apo është një akt administrativ nënligjor individual dhe në cdo rast, a mund të refuzohej zbatimi i tyre nga KQZ sikurse ka ndodhur, apo duhej që këto dekrete t’ju nënshtroheshin vlerësimit mbi kushtetushmërinë vetëm nga Gjykata Kushtetuese mbi bazën e kërkimeve të subjekteve që kishin pretendime në përputhje me kriteret kushtetuese për vënien në lëvizje të kësaj gjykate”?”.
Por, kjo pyetje sipas tij, u bllokua nga Kushtetuesja.
Vasili akuzon Gjykatën Kushtetuese, se i” dergoi Komisionit te Venecias vetem tre pyetjet e saj dhe qe i benin fresk 30 qershorit dhe bllokoi Pyetjen shume thelbesore te Shoqates se Kryetareve te Bashkive.”
Më tej, ai shkruan se “Bllokimi i pyetjes se Shoqates se Bashkive, qe ishte edhe kerkuesja e vetme, tregon qarte se gjithshka ishte nje farse e miremenduar.”/CNA.al
