LEXO PA REKLAMA!

SHKARKO APP

Nis turin Von der Leyen /Zbulohet itinerari i vizitave në rajon

27 Shtator 2021, 10:21, Aktualitet CNA
Nis turin Von der Leyen /Zbulohet itinerari i vizitave në rajon

Presidentja e Komisionit Evropian, Ursula von der Leyen ditën e nesërme nis turin e saj në rajon. Lajmin për vizitën e ka bërë të ditur më herët vetë ajo, ku pati deklaruar që  do të udhëtojë në Ballkanin Perëndimor, për të dërguar një sinjal të fortë të angazhimit në procesin e zgjerimit.

Komisioni Evropian ka bërë të ditur se ajo do ta nisë programin e saj më 28 shtator, me vizitat në Shkup dhe Tiranë. Pas vizitës në kryeqytetet e Maqedonisë së Veriut dhe Shqipërisë, Von Der Leyen pritet të vizitojë Prishtinën, Podgoricën e Beogradin.

Gjatë fjalimit vjetor në seancën plenare të Parlamentin Europian, Von der Leyen u ndal tek perspektiva evropiane e Ballkanit Perëndimor.

?Para fundit të muajit, do udhëtoj në Ballkan për të përçuar angazhimin tonë për anëtarësimin e këtyre vendeve në BE. Ne ia kemi detyrim të rinjve, që besojnë në të ardhmen evropiane. Ndaj, ne po rrisim mbështetjen tonë për planin ekonomik dhe të investimeve në Ballkanin Perëndimor me një të tretën e prodhimit kombëtar bruto të rajonit. Investimi në Ballkanin Perëndimor është investim për Bashkimin Europian? deklaroi ajo,/CNA.al

Lajmet e fundit nga