E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

BE duhet të ndahet në 2 nivele për të përfshirë shpejt Ballkanin dhe Turqinë

5 Korrik 2021, 06:33, Blog CNA

Nga Koert Debeuf ?Eu Observer?

Bashkimi Evropian po përballet me disa probleme themelore, të cilat kanë nevojë të zgjidhen urgjentisht. Pesë vjet pas votimit pro Brexit, marrëdhëniet e BE-së me Britaninë e Madhe janë acaruar. Të gjithë e dinë se e ashtuquajtura ?luftë e suxhukut?mbi Irlandën e Veriut, nuk do të jetë sherri i fundit në marrëdhëniet e reja pas Brexit.

Zvicra braktisi kohët e fundit negociatat për një traktat me BE, ndërsa ka zëra se edhe Norvegjia do të bëjë të njëjtën gjë. Ashtu si me Brexit, veprime të tilla do të ishin e dëmshme për popullsinë e të dy vendeve, në vend se për vetë BE-në.

Por në tërësi, ky është një zhvillim i keq për të gjithë qytetarët. Bisedimet e anëtarësimit të Turqisë në BE nuk po ecin përpara, ndërsa pranimi i disa vendeve të Ballkanit po bllokohet. Dikush mund të thotë me cinizëm se procesi i anëtarësimit,është shndërruar një në lojë,në

të cilën Turqia shtiret sikur po reformohet, ndërsa BE-ja gënjen kur pretendon se një ditë ky vend do të anëtarësohet në union.

Dhe ka gjithnjë e më shumë zëra për ta dëbuar Hungarinë nga BE, pasi vendi po shkon drejt një autokracie. Fakti që Hungaria po vendos veton ndaj gjithnjë e më shumë vendimeve që merr Brukseli po e bën më të dobët Evropën, dhe sidomos në politikën e saj të jashtme.

Koha për të ndryshuar

Udhëheqësit e BE-së e dinë shumë mirë që unioni ka nevojë për disa reforma. Prandaj ata krijuan Konferencën për të Ardhmen e Evropës. Por që në fillim ata theksuan se nuk ka vend për ndryshim të traktateve themeltare. Por pyetja është nëse një ndryshim thelbësor i traktatit,është pikërisht ajo për të cilën ka nevojë BE-ja për të dalë nga ujërat e turbullta?

A nuk është koha që të pranojmë disa realitete të reja, dhe t?i shndërrojmë disa dobësi në pika të forta?Një nga ato realitete, është se Hungaria nuk do ta ndryshojë politikën e saj ndaj pakicave LGBTQI+, mediave apo gjyqësorit.

Ajo po e minon BE-në jo vetëm nga brenda, por edhe si një forcë globale që mbështet demokracinë dhe të drejtat e njeriut. Dobësia më e rëndësishme e BE-së, është ndoshta fakti që është jo vetëm jashtëzakonisht e vështirë që të bëhesh vend anëtar. Por është po aq e vështirë që të largohesh vetë ose të dëbohesh nga unioni.

Drejt një Evropë të re me shumë shpejtësi

Për dekada me radhë, intelektualët dhe politikanët kanë diskutuar mbi idenë e një Evrope me shumë shpejtësi, ose një Evrope me gjeometri të ndryshueshme. Në fakt, kjo Evropë me shumë shpejtësi ekziston tashmë. Vetëm 19 nga 27 vendet e BE-së, janë anëtare të unionit monetar, dhe e kanë zëvendësuar me euron monedhën e tyre kombëtare.

Zona e lëvizjes së lirë Shengen, përbëhet zyrtarisht nga 26 vende. Por de fakto Irlanda, Rumania, Bullgaria dhe Qipro nuk janë pjesë e Shengenit, ndërsa Zvicra, Norvegjia, Islanda dhe Lihtenshtajni po. Atëherë pse të mos krijojmë një rreth të ri të anëtarësimit evropian, që mund të zgjidhë disa nga problemet me të cilat përballet sot Evropa?

Ai duhet të jetë një rreth që u ofron një vend vendeve jo-anëtare, pa qenë nevoja që të bëhen anëtare të plota të vetë Bashkimit Evropian. Ky rreth duhet të jetë më i fortë por edhe më frymëzues se sa Zona Ekonomike Evropiane.

Një Komunitet i ri Evropian

Me Traktatin e Mastrihtit të vitit 1993, Komuniteti Ekonomik Evropian u shndërrua në Komunitetin Evropian.Nga ana e tij, Komuniteti Evropian u bë Bashkimi Evropian në vitin 2009 me Traktatin e Lisbonës.

Dikush mund të argumentojë se termi ?bashkim? ??simbolizonte më shumë një bashkim shtetesh, ndërsa ?komuniteti? dukej se kishte më shumë lidhje me njerëzit. Ne mund të rifutim konceptin e Komunitetit Evropian për ato vende që duan t?i bashkohen BE-së, por që ndoshta nuk do ta arrijnë dot kurrë këtë gjë.

Turqia është një shembull tipik, por jo i vetmi. Edhe Maroku dëshiron që nga viti 1987 të bëhet një vend anëtar i BE, por gjithmonë është refuzuar, dhe ndoshta kështu do të jetë gjithmonë. Një shembull tjetër është Tunizia.

Që nga viti 2011, vendi është plotësisht demokratik, por po përballet me një krizë ekonomike. Tunizia po kthen më shumë kokën nga Evropa, sesa nga bota arabe. Nëse lejojmë vende si Maroku, Tunizia, Turqia apo Gjeorgjia të bëhen anëtare të një Komuniteti Evropian, kjo mund të jetë një politikë fqinjësie më e mirë, se sa të gjitha fondet dhe masat e tjera të marra së bashku.

Një Komunitet i ri Evropian, mund të jetë gjithashtu një fillim i ri për marrëdhëniet Britani-BE. Të gjithë e dinë sesi Britania ashtu edhe BE-ja, janë thellësisht të lidhura dhe të ndërthurura me njëra-tjetrën. Ka ardhur koha të lëmë pas logjikën negative të Brexit, dhe të fillojmë të punojmë për një histori pozitive, në të cilën 50 për qind që votuan kundër Brexit dhe ata që jetojnë në kontinent, mund të shpresojnë për diçka të mirë.

Krijimi i një rrethi të ri, mund të jetë gjithashtu një zgjidhje elegante për Hungarinë. Ne mund ta shohim marrëdhënien midis BE-së dhe këtij Komuniteti të ardhshëm Evropian si ajo e një përqindje. Kur një vend si Hungaria, apo ndonjë vend tjetër në të ardhmen, bie nën përqindjen e nevojshme të demokracisë dhe sundimit të ligjit, ato automatikisht dalin ngaBE-ja dhe zbresin në Komunitetin Evropian.

Krijimi i një Komuniteti të tillë Evropian, mund të mos jetë zgjidhja që i jep zgjidhje të gjitha problemeve, por mund të jetë një mënyrë pozitive për të dalë nga ngërçet në të cilat ndodhet BE, sot dhe ndoshta edhe për dekadat e ardhshme./CNA.al