E fundit!

11:58 Politikë

Nikolla u hoqi fjalën/ Deputetët e PD-së ndjekin rrugën e Berishës

Deputetët e PD-së nuk dorëzohen dhe vijojnë të mbajtë bllo...

Sekretet e errëta të Hollivudit

4 Korrik 2021, 06:36, Blog CNA

Demaskimi i producentit të njohur Harvi Ueinshtein, por edhe i burrave të tjerë të plotfuqishëm në Hollivudit ka hedhur shumë dritë mbi anën sekrete dhe të errët të industrisë së filmit në Hollivud. Pra, atje ka shumë më tepër sesa vetëm paratë, fama dhe sfilata në tapetin e kuq. Ja cilat janë disa nga sekrete më të errëta të industrisë më të njohur të argëtimit.

Paparacët e marrë me qira

Nëse shihni një foto në një media tabloide, dhe ju duket sikur vip-i po pozon enkas, kjo është e vërtetë. Në vitin 2016, një fotograf zbuloi se shumë njerëz të famshëm bëjnë publike fotot që duan, për të pasur një kontroll më të mirë të imazhit të tyre në publik.

Për shembull Kim Kardashian ?paparacin? e saj personale. Ajo i dërgon vazhdimisht mesazhe fotografit, i cili e ndjek në jetën e saj të përditshme. Kim sheh paraprakisht çdo foto, të cilat më pas i nënshtrohen fotoshop-it, para se t?u shiten revistave të njohura.

Lejohet përdorimi i substancave të ndaluara

Kokaina është substanca më e njohur e përdorur nga aktorët në sheshin e xhirimit. Aktori i njohur Denis Kuaid, ka treguar se kishte një varësi ndaj kokainës, edhe përpara se të bëhej i famshëm. Ai zbuloi se kokaina ishte një zë i veçantë në buxhetin e filmave. Edhe aktori Xhek Nikolson, e ka pranuar varësinë e tij nga droga.

Shumë aktorë vuajnë nga anoreksia

Presioni për t?u dukur bukur dhe elegantë, ka bërë që disa yje të kinemasë vuajnë nga çrregullimet e të ngrënit. Demi Lovato kujton se kur ishte ?2 ose 3 vjeç?, ajo do të shikonte vazhdimisht barkun e saj, dhe do të pyeste nëse ai do të ishte ndonjëherë i sheshtë. Kur u rrit nisi të vuajë nga çrregullimet në të ngrënë, të cilat i riktheheshin gjithmonë gjatë periudhave të vështira në jetën e saj.

Abuzimet seksuale kanë ekzistuar prej dekadash

Shumë kohë para se të shpërthente skandali rreth Harvi Ueinshtein, kishte zëra rreth ?audicionit të divanit?, një term që përdoret për të përshkruar yjet të cilëve u jepen role në këmbim të favoreve seksuale.

Megan Fox tregoi në një intervistë për ?GQ?, se ?legjendat e Hollivudit? e ftonin për t?u takuar, dhe ajo ishte shumë e ngazëllyer për këtë gjë. Pastaj, kur paraqitej në takim, e kuptonte se takimi ishte vetëm një dredhi. Ajo tha se shumë prej burrave ishin në gjendje të çonin në shtrat shumë aktore, por ajo nuk ishte njëra prej tyre.

Ndikimi i mafias

Flitet se një mafioz i quajtur Miki Kohen, drejtoi në prapaskenë Hollivudin. Në vitin 1950, revista ?Life? botoi një shkrim me titull ?Telashe në Los Anxhelos?, duke folur për Kohen dhe njësitë e tij të krimit të organizuar, të cilat drejtonin industrinë kinematografike.

Disa njerëz paguhen për të rregulluar çdo gjë që shkon keq

Në një botë të përsosur, një njeri i famshëm do të qëndronte larg telasheve, dhe do të kishte një karrierë të suksesshme pa asnjë të metë. Por e vërteta është se aksidentet dhe situatat ngjitëse janë një pjesë e jetës. Dhe kur gjërat ndërlikohen, ata thërrasin një ?rregullues të situatave? si Majkëll Sitrik.

Sitrik ka qenë një ?mjeshtër në prapaskenë? për vite me radhë në botën e Hollivudit, me një talent unik për të transformuar historitë negative në shtyp në histori pozitive.

Tradhtitë

Disa aktorë e kalojnë pjesën më të madhe të kohës e kalojnë duke aktruar në skenë. Kjo do të thotë që ata janë larg partnerëve të tyre për periudha të gjata kohore. Ndaj nuk është për t’u habitur që disa yje të kinemasë kanë një moment dobësie, dhe përfundojnë duke tradhtuar partnerët e tyre po aq të famshëm.

Disa nga historitë përfundojnë kur mbaron xhirimi i një filmi, por të tjerët kthehen në skandale, marrëdhënie të plota dhe madje edhe martesa. Anxhelin Zholi filloi një marrëdhënie me Brad Pit në sheshin e xhirimit të filmit ?Mr &Mrs.Smith?. Pit ishte i martuar në atë kohë me Xhenifer Aniston, dhe marrëdhënia e tyre mori fund kur dolën zërat për lidhjen e fshehtë. Aniston bëri kërkesë për divorc, dhe Pit më vonë u martua me Zholi.

Abuzimi me fëmijët

?Grabitqarët seksualë? në industri kanë qenë një dukuri e pranuar për dekada, dhe së fundmi, disa nga drejtuesit dhe yjet më të famshëm të Holivudit janë ndëshkuar për sjelljen e tyre të pahijshme me fëmijët e vegjël. Aktori Kevin Spejsi u denoncua kohët e fundit pas pretendimeve se kishte ngacmuar aktorin 14-vjeçar, Korej Feldman.

Pas skandalit që përfshiu Ueinshtein, Feldman gjeti më në fund guximin për të përmendur abuzuesin e tij gjatë një episodi të ?The Doctor Oz Show?. Feldman akuzoi edhe aktorin Xhon Grisom për ngacmim në vitet 1980./CNA.al