LEXO PA REKLAMA!

SHKARKO APP

Kush ishin mbretëreshat më të rrezikshme në histori

31 Maj 2021, 06:45, Blog CNA
Kush ishin mbretëreshat më të rrezikshme në histori

Shumica e vendeve në botë janë patriarkale, ndërsa gratë sundimtare kanë shkaktuar gjithmonë debate, shqetësim dhe madje frikë. Gjithsesi, disa kombe kanë pasur mbretëresha ose perandoresha, që kanë sunduar si mirë ashtu edhe keq. Ja cilat ishin disa nga mbretëreshat më të rrezikshme gjatë gjithë historisë:

Vu Zetian

Ajo mbajti të bashkuar dinastinë Tang për mbi 50 vjet, dhe ishte e vetmja grua që mbretëroi si perandore në historinë e Kinës. Dhe për ta arritur këtë gjë eleminoi disa trashëgimtarë të dinastisë, përmes vetëvrasjes ose ekzekutimit. Në fillim Vu Zetian ishte konkubina e favorizuar e dy perandorëve, duke lindur disa djem për ta.

Ajo akuzoi gruan e perandorit për vrasjen e vajzës së saj, duke arritur të bëhet vetë perandoreshë. Kur burri i saj pësoi një goditje në tru, Vu Zetian krijoi një polici sekrete

për të mbajtur me çdo kush pushtetin. Përmes tyre, ajo burgosi ??ose vrau të gjithë kundërshtarët, përfshirë edhe ish-gruan e burrit të saj. Në fundin e jetës, u bind që t?ia dorëzonte kurorën njërit prej djemve të saj.

Meri e Anglisë

Si pjesë e rikthimit të Anglisë në katolicizëm, mbretëresha angleze dogji rreth 300 protestantë në turrën e druve, një akt për të cilin u quajt ?Meri Gjakatarja?. Edhe pse babai i saj, Henri VIII u nda nga Kisha Katolike, për të anuluar martesën me nënën e saj, Katerinën e Aragonës, në mënyrë që të martohej me Ana Bolenën, Mary ishte plotësisht kundër Protestantizmit.

Kur u ngjit në fron ajo nisi të zbatonte sërish ligjet kundër herezisë, që të justifikonte ekzekutimin e protestantëve. Mes viktimave ishte edhe Tomas Kranmer, kryepeshkopi i Kanterbërit. Shumë njerëz të thjeshtë u ekzekutuan në të njëjtën mënyrë, dhe disa vdiqën

në burg. Meri I u martua me Filipin II të Spanjës, aleancë që e futi Anglinë në një luftë me Francën. Në atë luftë Anglia humbi portin e Kalesë. Meri vdiq në vitin 1558, vetëm 5 vjet nga mbretërimi i saj.

Izabela e Kastlijes

Martesa e saj me Ferdinandin e Aragonës, konsolidoi të dyja mbretëritë e tyre. Izabela u martua me Ferdinandin pa lejen e gjysmë-vëllait të saj Henrit IV, mbretit të Kastiljes. Kur Henry vdiq, shpërtheu një luftë për fronin. Isabela dhe Ferdinandi nuk ishin në gjendje të merrnin fronet e tyre përkatëse derisa vdiq mbreti i Aragonës.

Më pas, të dy luftuan për një Spanjë të bashkuar. Në këtë kuadër, ata pushtuan në vitin 1492 Granadën, bastionin e fundit mysliman në gadishullin iberik. Izabela dhe Ferdinandi nisën në vitin 1480 Inkuizicionin. Shumë hebrenj u dëbuan nga Spanja në vitin 1492, një lëvizje që rezultoi të ishte një gabim i rëndë për sa i përket ndikimit ekonomik.

Izabela e Francës

Ajo udhëhoqi një pushtim të Anglisë,gjë që çoi edhe në ndarjen nga burri i saj. Izabela ishte martuar me Eduardin II të Anglisë në vitin 1308 në moshën 12 vjeçare, ndërsa ky i fundit ishte 23 vjeç. Të dy patën 4 fëmijë së bashku, por Eduardi II e kishte zakon të krijonte marrëdhënie të forta me meshkuj të preferuar.

Në vitin 1322, i preferuari i mbretit ishte Hjuxh Despenser i Riu, të cilin Izabela nuk e duronte dot. Duket se Despenser nisi që t?i flasë mbretit kundër Izabelës. Në vitin 1324, Eduardi II shkoi në luftë kundër vëllait të Izabelës, Karlit IV të Francës, madje i konfiskoi edhe tokat.

Me urdhër të të shoqit Izabela negocioi një paqe me Karlin IV. Ajo u përpoq të negocionte me Eduardin rikthimin e saj në Angli, por ai refuzoi të binte dakord me kushtet e saj, pra largimin e Despenser nga oborri mbretëror. Izabela mbeti në Francë. Ajo e pushtoi Anglinë në vitin 1326, ndërsa mbështetja ndaj Eduardit II u zhduk pothuajse menjëherë.

Hjuxhs Despenser u ekzekutua, dhe Eduard abdikoi. Megjithëse djali i saj drejtonte një këshill të regjencës, Izabela dhe i dashuri i saj i supozuar Roxher Mortimer e qeverisën de fakto Anglinë për disa vjet. Por ajo u bë shumë shpejt aq lakmitare dhe jopopullore sa edhe Hjugh Despenser. Eduardi III ndërmori një grusht shteti kundër nënës së tij në vitin 1330, dhe Izabela u detyrua të hiqte dorë nga shumica e të ardhurave të saj, si dhe nga tokat.

Katerina e Madhe e Rusisë

E lindur si Sofi Von Anhalt-Zerbst, vajza e një princi gjerman, Katerina e Madhe udhëhoqi një grusht shteti kundër burrit të saj Pjetrit III në vitin 1762, dhe e drejtoi Rusinë si perandoreshë e Rusisë për dekada. Martesa e saj me Pjetrit ishte plot me probleme, dhe

të dy e tradhtonin njëri-tjetrin.

Sipas shumë të dhënave, asnjë nga fëmijët e Katerinës nuk ishte i Pjetrit. Grusht i saj i

shtetit kundër Pjetrit ndodhi më pak se një vit nga mbretërimi i tij. Ai abdikoi dhe vdiq shumë shpejt. Katerina e Madhe e tregoi guximin e saj duke shtypur rebelimin e kozakut Emilian Pugaçev, dhe duke fituar një luftë ndaj Perandorisë Osmane.

Edhe pse më parë e konsideronte skllavërinë si mizore, pas rebelimit, ajo u përqendrua në forcimin e saj, pasi Rusia nuk mund të funksiononte pa të. Katerina nuk kishte një marrëdhënie të mirë me djalin e saj Pavël, ajo mendoi ta eliminonte në favor të nipit të saj Aleksandrit. Por para se të ndodhte kjo, ajo vdiq nga një goditje në tru. Kur Pavli u vra 5 vjet më vonë, Aleksandri u bë Cari i Rusisë.

Katerina De Mediçi

Brenda një muaji pasi ajo erdhi në jetë, të dy prindërit e saj vdiqën. Ajo u martua në vitin 1553 me djalin e mbretit Fransua I të Francës, Henrin II. Pas vdekjes së këtij të fundit në vitin1559, Katerina vazhdoi ta sundonte Francën me 3 djemtë e saj:Françeskun II, që vdiq vetëm 1 vit pas ngjitjes në fron; Karlit, që vdiq në moshën 23 vjeçare; dhe Henrit III.

Në vitin 1572, pasi vjehrra e ardhshme e vajzës së saj Margaret vdiq para dasmës, fajtore u bë Katerina. Tensionet fetare midis katolikëve dhe hygenotëve, sollën disa ditë më vonë Masakrën e Ditës së Shën Bartolomeut. Katerina ishte këshilltarja kryesor e djemve të saj mbretër. Ajo vdiq në vitin 1589, nëmoshën 69 vjeçare./CNA.al

Lajmet e fundit nga