LEXO PA REKLAMA!

SHKARKO APP

Këshillat për të pasur një jetë shumë të gjatë, sipas njerëzve më të moshuar që kanë jetuar ndonjëherë

26 Maj 2021, 06:14, Blog CNA
Këshillat për të pasur një jetë shumë të

Shumë studime kanë pohuar se për të pasur një jetë shumë të gjatë, është e rëndësishme të mbash shumë miqësi, të kesh një qasje pozitive, të mos stresohesh shumë, dhe të kesh gjene të mira. Ja cilat janë disa nga mënyrat në dukje të çuditshme, për të cilat njerëzit më të moshuar në botë pretenduan se i ndihmuan ata të jetonin kaq gjatë:

Pini një eliksir misterioz

Kur mbushi 108 vjeç, ish-prifti i ushtrisë Reg Din tha këto gjëra mbi sekretet e jetëgjatësisë: ?Miq të mirë, besimi tek një fe, kërkimi i më të mirës dhe jo te keqes tek njerëzit, dhe të qenit vegjetarian për mbi 30 vitet e fundit të jetës, të gjitha këto më kanë ndihmuar … por nuk mbaj mend diçka tjetër?.

Dy vjet më vonë, djali i tij zbuloi se cili ishte sekreti tjetër:?Kur im atë ishte më shërbim në Indi, pak para Luftës së Parë Botërore, ai i bëri një nder një vendasi atje dhe ai i dha një eliksir duke i thënë:?Pije këtë dhe do të jetosh të paktën 100 vjeç. Supozohet se Din piu ?përzierjen me baltë?, dhe jetoi deri në moshën 110 vjeçare.

Konsumoni sa më shumë vaj ulliri

Francezja Zhan Kalment vdiq më 4 gusht të vitit 1997, pasi kishte mbushur 122 vjeç e164 ditë, dhe ende mban rekordin e konfirmuar si gruaja më jetëgjatë në botë. Në intervistat e dhëna për mediat, Kalment pati deklaruar se konsumonte çdo ditë verë, hante 1 kg çokollatë në javë, dhe ruante gjithmonë një sens humori. Por ajo çka konsumonte më së shumti ishte vaji i ullirit ekstra i virgjër.

Shihni vetëm punët tuaja

Besi Kuper-Brown ishte një mësuese në pension në Xhorxhia të SHBA-së, e cila jetoi deri në moshën 116 vjeçare. Ajo krenohej me rekordin e saj të pjesëmarrjes për të votuar në zgjedhje – që nga viti 1920, kur u miratua Amendamenti i 19-të që lejonte gratë të votonin. Sekretin e jetëgjatësisë së saj ajo e lidhte me refuzimin për të ngrënë ushqime ta gatshme, por edhe me faktin se?qëndronte gjithmonë jashtë punëve të të tjerëve?.

Hani proshutë çdo ditë

Suzana Xhons ishte banorja më e moshuar e Nju Yorkut derisa vdiq në vitin 2016 në moshën 116 vjeçare. Ajo nuk kishte pirë asnjëherë duhan dhe alkool, dhe nuk dilte për jetë nate, as nuk bënte makiazh në fytyrë apo të lyente flokë. Xhons hante 4 fletë proshute çdo mëngjes, përveç vezëve të fërguara dhe drithërave.

Hani derisa të jeni 80 për qind të ngopur

Jiroemon Kimura jetoi 116 vite e 54 ditë. Një ish-punonjës postar, japonezi jetoi vitet e pensionit me të venë e nipit të tij në një shtëpi 2-katëshe prej druri. Ai hante çdo mëngjes

qull dhe supë me patate dhe perime, kishte një qëndrim pozitiv ndaj gjërave, dhe i kushtonte gjithmonë vëmendje politikës bashkëkohore në Japoni. Motoja e tij ishte ?Ha lehtë që të jetosh gjatë?, mos pi kurrë duhan, konsumo alkool në mënyrë të moderuar, dhe në çdo vakt ha derisa të jesh 80 për qind i ngopur.

Hani rregullisht mjaltë

Fred Hejl Seniornga Meini në SHBA, ishte 113 vjeç kur vdiq në nëntorin e vitit 2004, disa javë pasi skuadra e tij e zemrës Boston Red Sox fitoi Serinë Botërore për herë të parë në 86 vjet. Në moshën 108 vjeçare, ai u bë mbajtësi i rekordit Gines si shoferi më i moshuar në botë. Hejls thoshte se konsumonte pak uiski çdo ditë dhe hante mjaltë.

Hani trurin e pulës

Njeriu më i moshuar në Australi është Dekster Kruger që mbushi 111 vjeç më 13 janar të këtij viti. Përveç 6 karkalecave që ha çdo ditë, Kruger thotë se konsumon vazhdimisht trurin e pulës. ?E dini, pulat kanë një kokë. Dhe atje, ka një tru. Dhe ato janë gjëra të vogla të shijshme?- i tha ai Associated Press. Ndërkohë, Kruger është gjithashtu shkrimtari më i moshuar në botë. Ish-blegtori po shkruan aktualisht autobiografinë e tij./CNA.al

https://www.mentalfloss.com/article/59252/8-ways-live-really-long-time-according-oldest-people-ever

Lajmet e fundit nga