Faktet/ Pse Lulzim Basha nuk shkel dot në SHBA

30 Maj 2021, 08:02, Politikë CNA

Është rikthyer sërish në debatin publik nëpërmjet kritikëve të Lulzim Bashës, fakti, se ky i fundit nuk shkel dot në SHBA, se i është refuzuar viza.

CNA.al e ka raportuar më parë këtë fakt, pas përplasjeve të ashpra, që Lulzim Basha pati me diplomatët amerikanë, gjatë kohës se çadrës, daljes prej saj, por edhe përtej kur plasi skandali i financimit nga kompani offshore me emra pronarësh rus për një foto të Lulzim Bashës me Presidentin Donald Trump, lobim në SHBA i cili shkonte mbi 1 milion dollarë.

Ky lobim u pasua nga një skandal i publikuar në mediat amerikane dhe Lulzim Basha ?ka shpëtuar? nga ky skandal nëpërmjet procedurave.

Në fakt, ai kurrë nuk ka dhënë një version të vërtetë, por sa herë ka folur për të njëjtën çështje ka dhënë versione të ndryshme, duke krijuar shumë mjegull, në lidhje me një skandal, i cili mesa duket e ka përndjekur më tej Lulzim Bashën.

Nuk ka mjaftuar vetëm kaq, ka qenë edhe djegia e mandateve dhe e famshmja bojkot i zgjedhjeve lokale që kanë sjellë pasoja katastrofike për imazhin në marrëdhëniet e tij me Shtetet e Bashkuara të Amerikës.

Dy vite më parë kur CNA.al raportoi, se Bashës i ishte refuzuar viza, ky i fundit në një studio televizive iu shmang përgjigjes.

Por, tentoi të siguronte një ftesë nëpërmjet një organizate joqeveritare për të mundur të vizitonte SHBA, ku mund të zhvillonte edhe disa takime formale.

Në fakt nuk mundi ta bënte as këtë të fundit.

Vizita e fundit e Lulzim Bashës në SHBA, është momenti i fushatës në 2017, kur ai braktis përballjen elektorale, shkon në SHBA, bën një foto me presidentin Donald Trump dhe zbret në Rinas, duke e shpallur veten triumfator dhe fitues.

Në fakt, regjistroi një katastrofë elektorale, mori vetëm 450 mijë vota, rezultati më i dobët i PD, në 30 vite që nga themelimi i saj.

Lulzim Basha nuk shkon dot në SHBA, është pa vizë amerikane. Kjo është një çështje që tashmë është kthyer në opinion disa herë, por kuptohet që Ambasada e SHBA-së nuk jep përgjigje në raste të tilla, pasi ato janë çështje diplomatike, çështje të zyrave konsullore.

Por, Lulzim Basha u detyrohet një sqarim, demokratëve dhe shqiptarëve. Pse nuk shkon dot në SHBA? Cila ka qenë arsye e refuzimit të vizës së tij? Dhe cilat janë përplasjet që ka Lulzim Basha me amerikanët apo dhe me diplomatë të tjerë ndërkombëtarë?

Pse është konfliktuar me ta dhe a mundet që njeriu, i cili pretendon të jetë lideri i Opozitës, të jetë një Kryeministër nesër, të përfundojë në të tilla skandale siç është ajo e fotos dhe e lobimit me ofshorë rus apo konfliktit me diplomatët, thjesht dhe vetëm për ambicjet e tij, për egozimin e tij dhe për paaftësinë e tij politike?/CNA.al

Shënim/ Skandalet me lobimet dhe pse Basha nuk shkon dot në SHBA?

Dokumentet/ Zbulohet kontrata e Bashës me kompaninë që lobon në SHBA, për diktatorin e mbështetur nga Rusët

Ekskluzive-Krimi i organizuar ndërkombëtar dhe lidhjet e Bashës/ FBI i arreston miqtë

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën

Lobimi në SHBA/ Çfarë u ka premtuar rusëve Lulzim Basha?