Connect with Us

Ekskluzive-Krimi i organizuar ndërkombëtar dhe lidhjet e Bashës/ FBI i arreston miqtë

Aktualitet

Ekskluzive-Krimi i organizuar ndërkombëtar dhe lidhjet e Bashës/ FBI i arreston miqtë

Publikuar

-

Dje mediat turke raportuan arrestimin e biznesmenit me origjinë armene Lev Aslan, i cili ishte prangosur në bordin e avionit të tij privat, teksa përpiqej të arratisej drejtë Stambollit. Arrestimi është bërë nga FBI-ja, sëbashku me dy bashkëpunëtorët e tij, të cilët akuzohen nga drejtësia amerikane për mospagim taksash, evazion fiskal, mashtrim financiar dhe pastrim parash.

Prokuroria amerikane ka ngrirë llogaritë bankare dhe ka sekuestruar rezidencat dhe makinat luksoze të të dyshuarve, midis të cilave edhe një Bugatti me një vlerë prej 1.7 milionë dollarë. Mësohet se Prokuroria ka mohuar kërkesën e të pandehurve për lirim me kusht, pasi i frikohet një largimi të mundshëm të tyre drejt Turqisë, ku ata kanë investuar të paktën 130 milionë dollarë në prona të patundshme dhe nëpër biznese të ndryshme.

Në rast se Lev Aslan dhe bashkëpunëtorët e tij shpallen fajtorë ata rrezikojnë të paktën 10 vite burg.

Ekim Alptekin, mik i Bashës

CNA.al pas raportimit të lajmit, duke ju referuar mediave turke po zbardh lidhjet e biznesmenit të arrestuar turk Lev Aslan dhe marrdhëniet e afërta me kreun e Partisë Demokratike, Lulzim Basha. Në fakt kohë pas kohe dhe ditë pas dite skandalet e Lulzim Bashës me miqtë e tij në Shtetet e Bashkuara të Amerikës nuk kanë të ndalur, ato vetëm thellohen dhe gjithçka çon tek Ekim Alptekin, që edhe në rastin e Lev Aslan del si partner në biznese.

Një vit më parë për një foto të Lulzim Bashës me presidentin Trump u raportua për pagesa që shkojnë mbi 800 mijë USD përmes një kompanie offshore si Biniatta që Basha asnjëhere si ka sqaruar nga vijnë këto shuma të mëdha parash dhe pse ka paguar firma te ndryshme lobimi në Amerikë përmes një kompanie Offshore. Offshore, para të dyshimta, akuza, por skemat duket se po çojnë FBI dhe gazetarët tek miqtë turq të Lulzim Bashës.

Por le të lemë skandalet e mëparshme dhe të kthehemi tek rasti më i fundit.

Kush është Lev Aslan, njeriu i arrestuar nga FBI-ja dhe si lidhet ai me Ekim Alptekin?

Për ata që nuk e njohin Lev Aslan ose Levon Termendzhyan është një nga biznesmenët e lidhur dhe partnerë në biznes me Ekim Alptekin. Ky i fundit është drejtues i Këshillit të biznesit Turqi-SHBA, dhe miku i Lulzim Bashës. Basha miqësinë dhe afërsinë familjare me Alptekin e ka pranuar live në emisionin Opinion në Tv Klan, gati një vit më parë.

Alptekin dhe Lev Aslan (arrestuar dje) janë bashkëpunëtorë në bizneset e tyre, për më tepër në rast se do t’i referohemi linkut të medias turke, nëpër rrjeshta gjen edhe kompaninë e dyshuar për të cilën janë bërë hetimet nga FBI-ja dhe kompania është SBK Holding. Por mjaft të dhëna gjen edhe në mediat amerikane.

SBK Holding është anëtare e Këshillit të Biznesit Turqi-SHBA e cila kryesohet nga Ekim Alptekin, miku i Lulzim Bashës dhe kumbar në familjen e këtij të fundit.

Basha dhe Repubika e Re

SBK është një nga dy sponsorët platinorë të konferencës së Këshillit në Maj 2017 në hotelin Trump në Washington. Në këtë kohë shfaqet edhe një tjetër personazh Sezgin Baran Korkmaz. Të dy, Alptekin dhe biznesmeni tjetër, Korkmaz mbajtën fjalimet kryesore në konferencë. Në komentet e tij, Korkmaz i ka dhënë kreditet Alptekin, pasi sipas tij, ai e ka  ndihmuar atë të ketë sukses në biznes. “Ku jam unë tani është për shkak të mbështetjes së z. Ekim”, tha ai në turqisht.

SBK Holding ka invesime në sektorë të ndryshëm si financa, mjekësia, miniera, energjia, pasuri të paluajtshme, automobilistikë, teknologji dhe logjistikë, dhe në botë ka rreth 5.000 punonjës.

Selia e SBK Holding është e vendosur në Turqi, Evropë, Rusi, Azinë Juglindore, si dhe ka funksionuar në Shtetet e Bashkuara dhe Belize. (Një pjesë e financimit të fotos Trump-Basha u pagua pikërisht nga Offshoret e Belize)

Lev Aslan

Sezgin Baran Korkmaz ka punuar me shumë kompani që hasin vështirësi financiare dhe ka specializuar në këtë fushë duke krijuar hapje të ndryshme. Korkmaz, themeloi Fondacionin SBK në vitin 2017. Në të njëjtën kohë në muajin tetor Alptekin i cili u zgjodh Udhëheqësi i ri social nga Shoqëria Turke Amerikane në vitin 2012 ishte në mesin e emrave të përzgjedhur në Këshillin Evropian për Marrëdhënie të Jashtme në 2013. Kormaz drejton biznesin e tij në SHBA në një kompani motër të njohur si SBK Holdings USA, kryesuar nga tregtar i naftës ruse Levon Termendzhyan, i cili ka një listë të gjatë të dosjeve penale. Tregtari i naftës ruse Levon Termendzhyan, (arrestuar dje nga FBI) dosja e krimit e të cilit është shumë e gjatë. Ajo që dihet është se ai është i lidhur me një numër  kompanish në SHBA që janë dënuar për krimeve dhe aktualisht janë nën hetim federal, i cili vazhdon ende me gjithë arrestimet e djeshëme  të Lev Aslan ose  Levon Termendzhyan dhe bashkëpunëtorëve të tij, ai  është i njohur për përfshirjen në një numër të tregtimit fiktiv të naftës, që shërbeu si një front për emrin armen.

LEXO EDHE:  Belgjika i kërkon Shqipërisë arrestimin e Frrokut për vrasje

Duke ju referuar linkut të medias turke ka biznese që Lev i ka shitur apo ka bashkëpunuar me  Sezgin Barah Korkmaz. Kush është ky emër?

Sezgin Barah Korkmaz dhe SKB Holding

Sipas mediave amerikane dhe materialeve që janë bërë publike më parë, Korkmaz është ortak me Ekim Alptekin, miku familjar dhe kumbar në familjen e Bashës. Pra lidhja Lev Aslan, Korkmaz dhe Alptekin është aksi i hetimeve që vazhdojnë nga FBI. Ekim Alptekin edhe Korkmaz janë marrë në pyetje nga drejtesia amerikane dhe ekipi i Prokurorit të Posaçëm, Muller para disa muajsh në lidhje me lobimin për  këshilltarin Michael Flyn.

Pra në qoftë se do ta shohim me kujdes Lev Aslan, Korkmaz dhe AlbTekin janë partnerë të fuqishëm në biznes. Nga deklarimet e Korkmaz, por edhe arrestimi i Lev, pra nëse do të shohim rrjetin e tyre të biznesit, atë të hetuar nga FBI-ja dhe atë që deklarojnë mediat turke rezulton një partneritet i fuqishëm në biznesin e tyre.

Ku hyn Lulzim Basha?

Për ata që po mundohen të kuptojnë lidhjen mes Bashës dhe këtyre bizneseve, po sjellim disa detaje.

Së pari Ekim Apltekin është një nga miqtë e ngushtë të Lulzim Bashës.

Më poshtë po sjellim një foto, e cila nuk publikohet për herë të parë ku Ekim Alptekim është duke u martuar dhe “kurorën apo bekimin” ia jep Lulzim Basha.

Basha në martesën e Ekrim Alptekin

Shpesh mediat kanë raportuar se Alptekin është mik jo vetëm i ngushtë i Bashës, që ky i fundit e ka pranuar në media, por dhe njeri që ka pagëzuar fëmijët dhe familjarët e tij të afërt. Këto detaje, përtej dijes politike apo publike Lulzim Basha nuk i ka mohuar kurrë, por edhe i ka pranuar. Pra personi që është arrestuar për milionat e dollarëve, pastrim parash edhe shumë afera të tjera në SHBA është njeriu më lidhje biznesi me Ekim Alptekin.

Basha në martesën e Ekim Alptekin

Alptekin është miku i ngushtë i Lulzim Bashës. Cilat janë lidhjet e Lulzim Bashës me Lev Aslan, ato qartësisht kalojnë nga Alptekin, por dyshime të forta ka se këto firma dhe biznese të jenë edhe financuese të Lulzim Bashës që tani duket se vërtet i ka punët pisk me FBI.

Postimi i Ekim Alptekin më 11 mars 2013

Kjo sepse në SHBA FBI-ja po vazhdon hetimet për Alptekim dhe miqtë e Bashës. Ashtu siç thuhet në shkrimin e mësipërm të medias turke, Alptekin është thirrur nga prokurori amerikan, Muller në lidhje me lobimet për Flyn. Por vetë miku i Bashës ka probleme direkte me FBI-në. Nga ana tjetër hetimet mund të zbardhin edhe financimet e dyshimta të Bashës për foton me presidentin Donald Trump ç’ka mund të sjellë një skandal të ri për Lulin dhe rrezikun se mund të jetë subjekt i kërkuar nga FBI, për fshehje apo pastrim parash (miqtë e tij), apo edhe financime të paligjshme për lobime.

Gjithsesi këto detaje që duken disi të vështira për t’u kuptuar tregojnë se miq të Bashës janë në halle të mëdha dhe disa prej tyre janë prangosur në SHBA nga FBI-ja për evazione fiskale. Tashmë duket se gjërat po bëhen edhe më serioze përtej Atlantikut. Atje ku Basha ka pasur miq të fortë, duket se po i kthehen në miq të skandaleve dhe prangave që po i rrezikojnë dhe kokën./Elvi FUNDO – CNA.al

 

Arrestohet në SHBA biznesmeni turk afër Lulzim Bashës

 

http://www.haber7.com/dunya/haber/2707028-ozel-jetiyle-turkiyeye-kacarken-fbi-yakalamis?wr=1

 

https://ahvalnews-com.cdn.ampproject.org/c/s/ahvalnews.com/tr/sorusturma/ahmet-hakan-bu-olay-onlenmezse-ikinci-reza-vakasi-olur?amp

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Bolton: Do të mbështesim me entuziazëm një Brexit pa marrëveshje

LEXO EDHE:  Cakaj vizitë në Uashington/ Takime me zyrtarë të lartë amerikanë

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Belgjika i kërkon Shqipërisë arrestimin e Frrokut për vrasje

LEXO EDHE:  Kapet i “forti” i Vlorës/Lëvizte me armë dhe pa patentë (Emri)

 

LEXO TE PLOTE
Lajme të Rekomanduara: