E fundit!

10:51 Aktualitet

Greva në palën greke, të hënën pezullohet përkohësisht lëvizja në Kakavijë

Lëvizja në Pikën e Kalimit Kufitar Kakavijë do të ndërprit...

Le Pen forcon pozitat, opozita franceze pa një alternativë bindëse

25 Korrik 2026, 09:30, Kosova & Bota CNA

Le Pen forcon pozitat, opozita franceze pa një alternativë

Marine le Pen po hyn në fazën vendimtare të garës presidenciale me një avantazh të dukshëm në sondazhe, ndërsa kampet rivale vazhdojnë të kërkojnë një kandidat që mund ta sfidojë me sukses.

Matjet e fundit të opinionit publik tregojnë se liderja e së djathtës ekstreme do të dilte fituese në një përballje të drejtpërdrejtë me emrat kryesorë që përfliten për presidencën, përfshirë Édouard Philippe, Gabriel Attal dhe Jean-Luc Mélenchon. Rezultatet e sondazhit sugjerojnë se Le Pen gëzon një mbështetje të konsiderueshme, duke e vendosur atë në pozicionin më të favorshëm deri tani.

Rikthimi i saj zyrtar në garë erdhi pas zhvillimeve në çështjen gjyqësore me të cilën është përballur, duke i hapur rrugën të vazhdojë fushatën ndërsa pret vendimin përfundimtar të drejtësisë.

Sipas analistëve, ndryshimi më i rëndësishëm në këtë fazë është zgjerimi i bazës elektorale të Le Pen. Ajo po fiton terren edhe te votuesit më të moshuar, një kategori që në zgjedhjet e kaluara ka qenë më pak e prirur të mbështesë Rassemblement National.

Megjithatë, ekspertët vlerësojnë se rezultati përfundimtar mbetet i hapur. Gara ende nuk ka marrë formën përfundimtare, pasi partitë nuk kanë zyrtarizuar të gjithë kandidatët dhe dinamika politike mund të ndryshojë gjatë muajve në vijim.

Në të majtën franceze vijojnë përpjekjet për të gjetur një kandidaturë më konkurruese. Ndërsa Jean-Luc Mélenchon mbetet figura më e konsoliduar, emri i eurodeputetit Raphawl Glucksmann po fiton gjithnjë e më shumë vëmendje, ndërsa ish-presidenti François Hollande ka rikuperuar një pjesë të mbështetjes mes elektoratit progresist.

Edhe kampi centrist nuk ka arritur të bashkohet rreth një kandidati të vetëm. Ambiciet e veçanta të Édouard Philippe dhe Gabriel Attal rrezikojnë të ndajnë votën e qendrës, duke i dhënë një avantazh shtesë Le Pen në garën drejt Pallatit Élysée.

Ndërsa në opinionin publik qarkullojnë edhe emra nga bota e biznesit si kandidatë të mundshëm, analistët i konsiderojnë këta skenarë pak realistë, duke pasur parasysh kërkesat e sistemit zgjedhor francez për mbështetje politike dhe organizim kombëtar.

Me sondazhet në favor të saj dhe kundërshtarët ende të fragmentuar, Marine le Pen po hyn në muajt vendimtarë të fushatës si kandidatja që duhet mundur, në një garë që pritet të ndikojë jo vetëm në drejtimin politik të Francës, por edhe në të ardhmen e Bashkimit Europian./CNA