web counter
LEXO PA REKLAMA!

SHKARKO APP

App Store
Google Play

E fundit!

x

Zyrtari i kontrollit të sëmundjeve/ ”Efektshmëria e vaksinave kineze është e ulët”

11 Prill 2021, 13:37, Lifestyle CNA

Zyrtari më i lartë Qendrave Kineze për Kontrollin e Sëmundjeve tha se efektiviteti i vaksinave kineze është i ulët dhe qeveria po konsideron përdorimin e tyre në kombinim me vaksina të tjera për t?ia rritur efektivitetin.

Vaksinat kineze “nuk kanë norma shumë të larta mbrojtjeje”, tha drejtori i Qendrave Kineze për Kontrollin e Sëmundjeve, Gao Fu, në një konferencë të Shtunën në qytetin jugperëndimor të Chengdu.

Pekini ka shpërndarë qindra miliona doza jashtë ndërkohë që përpiqet të nxisë dyshime në lidhje me efektivitetin e vaksinës Pfizer-BioNTech, e prodhuar duke përdorur procesin e mëparshëm eksperimentues të ARN-së, ose mARN.

“Tani është nën shqyrtim zyrtar nëse duhet të përdorim vaksina të ndryshme nga linja të ndryshme teknike për procesin e imunizimit,” tha Gao.

Zyrtarët në një konferencë shtypi të Dielën nuk iu përgjigjën drejtpërdrejt pyetjeve në lidhje me komentin e Gaos ose ndryshimeve të mundshme në planet zyrtare. Por një tjetër zyrtar i CDC tha që zhvilluesit po punojnë për vaksinat e bazuara në mARN.

“Vaksinat e ARN-së të zhvilluara në vendin tonë gjithashtu kanë hyrë në fazën e provës klinike”, tha zyrtari, Ëang Huaqing. Ai nuk dha asnjë afat kohor për përdorimin e mundshëm.

Ekspertët thonë se përzierja e vaksinave, ose imunizimi vijues, mund të rrisë efektivitetin. Studiuesit në Britani po studiojnë një kombinim të mundshëm të Pfizer-BioNTech dhe vaksinës tradicionale AstraZeneca. Pandemia e koronavirusit, e cila filloi në Kinën qendrore në fund të vitit 2019, shënon herën e parë që industria kineze e ilaçeve ka luajtur një rol në përgjigjen ndaj një emergjence globale shëndetësore.Vaksinat e bëra nga dy prodhues shtetërorë të ilaçeve, Sinovac dhe Sinopharm, janë eksportuar në 22 vende duke përfshirë Meksikën, Turqinë, Indonezinë, Hungarinë, Brazilin dhe Turqinë, sipas ministrisë së jashtme.

Efektiviteti i një vaksine Sinovac në parandalimin e infeksioneve simptomatike u zbulua të ishte deri në 50.4% nga studiuesit në Brazil, afër pragut 50% në të cilin ekspertët e shëndetit thonë se një vaksinë është e dobishme. Për krahasim, vaksina Pfizer-BioNTech është gjetur të jetë 97% efektive.Ekspertët e shëndetit thonë se vaksinat kineze nuk kanë gjasa të shiten në Shtetet e Bashkuara, Evropën Perëndimore dhe Japoninë për shkak të kompleksitetit të procesit të miratimit.

Një zëdhënës i Sinovac, Liu Peicheng, pranoi se nivele të ndryshme të efektivitetit janë gjetur, por tha se kjo mund të jetë për shkak të moshës së njerëzve në një studim, llojit të virusit dhe faktorëve të tjerë.

Pekini ende nuk ka miratuar asnjë vaksinë të huaj për përdorim në Kinë.Gao nuk dha detaje për ndryshimet e mundshme në strategji, por përmendi ARNJ si një mundësi.”Të gjithë duhet të marrin në konsideratë përfitimet që vaksinat e mARN mund të sjellin për njerëzimin,” tha Gao. “Ne duhet ta ndjekim me kujdes dhe të mos e shpërfillim vetëm sepse tashmë kemi disa lloje të vaksinave.”

Gao më parë vuri në dyshim sigurinë e vaksinave të ARNi. Ai u citua nga Agjencia Zyrtare e Lajmeve Xinhua të thoshte në dhjetor se nuk mund të përjashtonte efektet anësore negative sepse ato po përdoreshin për herë të parë tek njerëzit e shëndetshëm.Mediat shtetërore kineze dhe bloget e njohura të shëndetit dhe shkencës gjithashtu kanë vënë në dyshim sigurinë dhe efektivitetin e vaksinës Pfizer-BioNTech.

Që nga 2 prilli, rreth 34 milion njerëz në Kinë kanë marrë të dyja dozat e duhura për vaksinat kineze dhe rreth 65 milion kanë marrë një, sipas Gao.

Zëdhënësi i Sinovac, Liu, tha se studimet zbulojnë se mbrojtja “mund të jetë më e mirë” nëse koha ndërmjet vaksinimeve është më e gjatë se 14 ditët e tanishme, por nuk jep asnjë indikacion që mund të bëhet praktikë standarde./ CNA.al

Marrë nga apnews.com





Lajmet e fundit nga